Yuḥanna 3:2 - Ṯarifiṯ 2020

² Yusa-d ɣar Ƹisa s ǧiȓeṯ inna-as: "A Lmuƹallim, neccin nessen belli cek ḏ amseȓmaḏ iy d yusin zi Arebbi. War izemmar uȓa ḏ ijjen aḏ igg can lmuƹjizaṯ zi min teggeḏ cek illa meȓa kiḏes Arebbi."

Yuḥanna 3:2 ပူးပေါင်းရင်းမြစ်များ

Matta 22:16

Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic.

Matta 23:7

Texsen axasen seǧmen ḏi ȓeswaq aḏasen ȓaɣan yiwḏan: A siḏiṯneɣ.

Matta 23:8

Walakin kenniw, war tejjam ḥadd aḏawem iȓaɣa: A siḏiṯneɣ. Ȓaḥeqqac kenniw marra ḏ awmaṯen ɣarwem ijjen n Siḏiṯwem.

Marqus 12:14

Wami d usin ɣar Ƹisa nnan-as: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic. Ini-yaneɣ: Ma ṯsemmeḥ ccariƹa nneɣ a nxeǧes ḍḍariba i uzeǧiḏ Qayṣar niɣ lla? Ma ḏas t nxeǧes niɣ lla?"

Yuḥanna 1:38

Ineqȓeb Ƹisa ɣar ḏeffar yufi-ṯen ḏfaren-ṯ-iḏ inna-asen: "Min trezzum?" Nnan-as: "A Ravi, mani tiȓiḏ?" (Awaȓ-a Ravi ixes aḏ yini Lmuƹallim.)

Yuḥanna 10:38

Meȓa xeḏmeɣ-ṯent, amneṯ zi ȓexḏayem nni waxxa war zzayi ṯuminem. Ammu aḏ tessnem qa Baba aqaṯ ḏayi, nec aqayi ḏi Baba."

Yuḥanna 12:37

Ƹisa waxxa igga aṭṭas n lmuƹjizaṯ zzaṯsen, war zzayes uminen ca.

Yuḥanna 14:10

Ma war timneḏ ca belli nec aqayi ḏi Baba, Baba aqaṯ ḏayi? Awaȓen iy ḏawem qqareɣ war ṯen qqareɣ ca nec, ḏ Baba iy ḏayi iy ṯen iqqaren. Netta ixeddem ȓexḏayem nnes.

Yuḥanna 15:24

Maƹlik war xḏimeɣ akiḏsen lmuƹjizaṯ war ṯent ixḏim uȓa ḏ ijjen illa nec, ataf war ɣarsen bu ȓmuƹṣiyeṯ. Walakin ȓexxu niṯni ẓrin lmuƹjizaṯ inu ƹiffen-ayi nec uȓa ḏ Baba.

Yuḥanna 2:11

Ṯanita ḏ lmuƹjiza ṯamezwarut ig igga Ƹisa. Iggi-t ḏeg ubilaj n Qana ḏi ṯmurṯ n Ljalil. Ismeḍhar-d lƹaḍama nnes, umnen zzayes imeḥḍaren nnes.

Yuḥanna 20:16

Inna-as Ƹisa: "A Maryam!" Ȓexddenni ṯeƹqeȓ-iṯ ṯenna-as s wawaȓ n israʼiliyen: "A Rabuni!" (Zaƹma )

Yuḥanna 3:26

Usin-d ɣar Yaḥya nnan-as: "A Lmuƹallim, wenni tuɣa akiḏec iǧan ajemmaḍ i yiɣzar n Lʼurdun u cek ṯcehḏeḏ xas, netta itṭehhar i yiwḏan s waman gguren ɣares marra."

Yuḥanna 4:31

Ḏi ȓweqṯ nni qqaren-as imeḥḍaren A Lmuƹallim, ecc!

Yuḥanna 5:36

Walakin nec ɣari ijjen n chaḏeṯ ḏ ṯameqqrant x ṯenni n Yaḥya. Min ḏayi d yuca Baba aṯid sbaneɣ, ṯimesȓayin-a s yixef nsent cehhḏent xafi belli issekk-ayi-d Baba.

Yuḥanna 6:2

Ḏfaren-ṯ aṭṭas n yiwḏan wami ẓrin lmuƹjizaṯ nni wami isgenfa imehȓac.

Yuḥanna 7:31

Innama, aṭṭas zi ȓɣaci nni umnen zzayes. Nnan: "Ma aḏ d yas ƹaḏ ca n Lmasiḥ aḏ igg lmuƹjizaṯ ktar zi ṯina itegg wanita?"

Yuḥanna 9:16

Nnan ȓebƹaḍ n ifarrisiyen nni: "Bnaḏem nni war iǧi ca zi Arebbi minzi war iweqqar ca nhar n lƹibada." Walakin ȓebƹaḍ nneɣni nnan: "Lla, mammec bnaḏem ḏ lƹaṣi zaƹma aḏ igg lmuƹjizaṯ-a?" X manaya iwqeƹ lxilaf jarasen.

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.

Ayṯ-Filippas 1:14

X ssabab n snaseȓ-a inu azyen ameqqran n ayṯma twacejjƹen bac aḏ ssiwȓen s wawaȓ n Arebbi s yijjen n zƹameṯ ḥsen zi qbeȓ bȓa ṯiggwḏi.