Yuḥanna 21:3 - Ṯarifiṯ 2020

³ Ikkar Simƹan Buṭrus inna-asen nec aḏ raḥeɣ aḏ ymareɣ. Nnan-as akic nraḥ uȓa ḏ neccin. Ffɣen, nyin ḏi ṯɣarrabut. Ḏi ǧiȓeṯ nni war ymaren walu.

Yuḥanna 21:3 ပူးပေါင်းရင်းမြစ်များ

Luqa 5:5

Inna-as Simƹan: "A Lmuƹallim, neccin ǧiȓeṯ ṯekmaȓ nxeddem war d nsiȓi uȓa ḏ ijjen n usȓem, walakin wami t ṯenniḏ cek aḏ ḍeȓqeɣ ṯiracciwin."

Yuḥanna 21:4

Wami iṣbaḥ ȓḥaȓ, ufin Ƹisa ibedd x cceṭṭ n ȓebḥar walakin imeḥḍaren war ṯ ƹqiȓen ca.

Ȓexḏayem 20:34

Kenniw ṯessnem nec tuɣa xeḏmeɣ s ifassen inu bac aɣari yiȓi min ḥḏajeɣ nec ḏ min ḥḏajen yinni akiḏi.

1 Ayṯ-Kurinṯ 3:7

Wenni iteẓẓun ḏ wenni isessawen niṯni war ǧin ḏ walu. Wenni iǧan netta ḏ Arebbi iƹni netta iseɣmayen.

1 Ayṯ-Kurinṯ 9:6

Ma nec ḏ Barnaba waheḏneɣ iy war ɣar iǧi ȓḥaqq ḏi ccarḍ, ma itxeṣṣa-yaneɣ i neccin a nexḏem ḏi can ȓḥajeṯ nneɣni bac a nƹic?

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.