Yuḥanna 2:9 - Ṯarifiṯ 2020

⁹ Ufin aman ƹadi nni ḏewȓen ḏ aman n uḍiȓ. Wenni itkellafen zi ȓfarḥ-a iqqas-iṯen walakin netta war issin ca manis d kkin waman-a n uḍiȓ. Ixeddamen nnes iy ḏas d yuymen aman-a, ḏ niṯni ig ssnen manis d ikka manaya. Ṯumma wenni ikellfen zi ȓfarḥ issiweȓ ak muȓay

Yuḥanna 2:9 ပူးပေါင်းရင်းမြစ်များ

Matta 27:34

Ucin-as aman uḍiȓ ixelleṭ ḏaysen ijjen n ddwa ḏ amerzag. Wami ṯen iqqas, yugi aṯen isew.

Matta 9:15

Inna-asen Ƹisa: "Imeddukaȓ n muȓay, ma zemmaren aḏ xeyyqen ḏi nhar nni n ȓfarḥ nnes? Lla, walakin aḏ d asen wussan aḏ imeysi muȓay zi ȓwesṭ nsen. Ȓexddenni aḏ ẓummen!

Yuḥanna 2:8

Inna-asen: "Aymem cwayt awim-ṯen i wenni itkellafen zi ȓfarḥ." Uca uwin-as ci ḥaja.

Yuḥanna 4:46

Yusa-d ƹaweḏ ɣar ubilaj n Qana ḏi ṯmurṯ n Ljalil mani tuɣa yarra aman ƹadi ḏ aman n uḍiȓ. U ḏeg ubilaj n Kafernaḥum ḏinni ijjen zeg imxazniyen n uzeǧiḏ ihȓec mmis.

Yuḥanna 7:17

Wenni ixsen aḏ igg zi min ixes Arebbi ataf aḏ issen aseȓmeḏ-a inu ma zzayi niɣ zi Arebbi.