Yuḥanna 2:6 - Ṯarifiṯ 2020

⁶ Ḏinni ḏi ṯeddarṯ nni setta n iqnucen n waman ƹlaḥsab mammec nnumen teggen zzaysen israʼiliyen ȓuḍu. Iqnucen nni twaxeḏmen s uzru, kuȓ ijjen ikessi zi ṯmanin aȓ miyya u ƹicrin litru n waman.

Yuḥanna 2:6 ပူးပေါင်းရင်းမြစ်များ

Luqa 16:6

Yarra xas inna-as: Miyya n ṯbarmiȓin n zzect. Inna-as uweqqaf nni: Ysi-d lisṭa nnec qqim ḏeɣya, ari ḏayes ɣir xemsin!

Yuḥanna 2:7

Inna-asen Ƹisa i ixeddamen: "Ƹemmarem iqnucen-a s waman." Ƹemmaren-ṯen s waman aȓ uqemmum.

Yuḥanna 3:25

Iwqeƹ lxilaf jar imeḥḍaren n Yaḥya ḏ yijjen n uʼisraʼili x mammec ɣa yiȓi ȓuḍu.

Iƹibraniyen 6:2

niɣ x ibriḏen bac aḏ twaṭehharen yiwḏan s waman, niɣ x mammec ɣa negg a nsers ifassen nneɣ x yiwḏan, niɣ x lqiyama n imettinen, niɣ x Lḥisab nni war ifennin ca.

Iƹibraniyen 9:10

Manaya ɣir ḏayes can n lqawanin n ccariƹa x lmakla ḏ ṯsessi ḏ ȓuḍu. Lqawanin-a war ǧin ca x wuȓawen n bnaḏem, xeddmen ḥetta ȓweqṯ n ȓƹaheḏ ḏ jḏiḏ u ṣafi.

Iƹibraniyen 9:19

Aqa nnabi Musa wami iɣra kuȓ ȓuṣiyeṯ i marra ccaƹb, ṯumma iysi iḏammen n iyenduzen ḏ iɣayḏen ixelleṭ-iṯen ak waman, ṯumma irucc zzaysen Lkitab s yixef nnes ḏ marra ccaƹb s ṯaḍufṯ ṯazeggwaɣṯ ḏ uzuy.