Yuḥanna 2:16 - Ṯarifiṯ 2020

¹⁶ Inna-asen i yinni iznuzan iḏbiren: "Ysiṯ manaya ssanita. War tarraṯ ca ṯaddarṯ n Baba ḏ ssuq!"

Yuḥanna 2:16 ပူးပေါင်းရင်းမြစ်များ

Matta 21:12

Yuḏef Ƹisa ɣar ṯemziḏa ṯameqqrant yuzzeȓ x marra x yinni issaɣen ḏ yinni iznuzan. Iqȓeb-asen missaṯ n yinni itṣarrafen tmenyaṯ ḏ ȓekrasa n yinni iznuzan iḏbiren.

Matta 21:13

Inna-asen: "Lkitab iqqar: <Ṯaddarṯ inu aḏ tiȓi ḏ ṯaddarṯ n ṯẓaǧiṯ.> Walakin kenniw ṯarrim-teṯ ḏ ifri n ixewwanen."

Matta 22:5

Walakin yinni itwaƹarḍen war ḏayes t uwin ca: ijjen iruḥ ɣar umarjeƹ nnes, ijjen ɣar ttijara nnes.

Marqus 11:17

Iseȓmaḏ-iṯen inna-asen: "Ma iqqar Lkitab ma lla belli <Ṯaddarṯ inu aḏ tiȓi ḏ ṯaddarṯ n ṯẓaǧiṯ i marra ȓegnus>? Walakin kenniw ṯarrim-teṯ ḏ ifri n ixewwanen."

Luqa 2:49

Inna-asen Ƹisa: "Mayemmi xafi ṯrezzum? Ma war ṯessinem ca belli nec itxeṣṣa-ayi aḏ iȓiɣ ḏi ṯeddarṯ n Baba?"

Yuḥanna 10:29

Ḏ Baba iy ḏayi ṯen yucin u netta ḏ ameqqran zi kuȓci. War izemmar uȓa ḏ ijjen aṯen ixḍef zeg ufus n Baba.

Yuḥanna 2:15

Imuḏ iseɣwan, s iseɣwan nni yuzzeȓ xasen marra zi ṯemziḏa ṯameqqrant s iḥuȓiyen ḏ ifunasen. Iqȓeb-asen missaṯ n yinni itṣarrafen, izeǧeƹ-asen tmenyaṯ nni ḏi ṯmurṯ.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Yuḥanna 5:17

Inna-asen Ƹisa: "Baba ixeddem ȓebda, uȓa ḏ nec xeddmeɣ am netta."

Yuḥanna 8:49

Inna-asen Ƹisa: "Nec war ḏayi bu jnun tweqqareɣ Baba, kenniw tḥeggarem-ayi.

1 Timutawus 6:5

Iryazen-a thewwaȓen jarasen s ȓaƹquȓaṯ nsen iƹewwjen ṯweddar-asen lḥaqiqa. Tfekkaren belli lʼiman ḏ ijjen n ubriḏ bac aḏ rebḥen tmenyaṯ.

2 Buṭrus 2:3

Ƹlaḥsab aƹeddis nsen aḏawem ccen ȓmux s wawaȓen iy tsayasen waha. Mecḥaȓ zeg wami lƹiqab nsen ƹaḏ itrajan-ṯen war iteṭṭeṣ ca.