Yuḥanna 17:3 - Ṯarifiṯ 2020

³ Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Yuḥanna 17:3 ပူးပေါင်းရင်းမြစ်များ

Marqus 9:37

"Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi ɣa iqebȓen, maci ḏ nec ig iqbeȓ; Lla, iqbeȓ wenni ḏayi d issekken."

Luqa 9:48

Inna-asen: "Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi iqebbȓen, ataf iqbeȓ wenni ḏayi d issekken. Minzi wenni iǧan zzaywem ḏ amezyan qaƹ, ḏ netta ig iǧan ḏ ameqqran."

Yuḥanna 10:36

Ma ṯeqqarem i wenni ixḍar Baba issekk-iṯ-iḏ ɣar ddunect cek ṯenniḏ lbuhtan x Arebbi minzi nniɣ nec ḏ Mmis n Arebbi?

Yuḥanna 11:42

Nec ssneɣ qa cek ȓebda testajabeḏ-ayi, walakin nec qqareɣ manaya ƹlaḥsab x ȓɣaci-ya iy ḏayi d innḍen, ḥima aḏ amnen belli qa ḏ cek iy ḏayi d issekken."

Yuḥanna 14:26

Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ.

Yuḥanna 17:18

Mammec ḏayi ṯessekkeḏ cek ɣar ddunect, uȓa ḏ nec ssekkeɣ-ṯen ɣar ddunect.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.

Yuḥanna 17:23

Cek aqac ḏayi nec aqayi ḏaysen, ḥima aḏ munen aḏ iȓin ḏ ijjen. Ḥima aḏ ssnen yiwḏan qa cek ṯessekkeḏ-ayi-d ɣar imeḥḍaren-a, tḥibbiḏ-ṯen amecnaw mammec ḏayi tḥibbiḏ nec.

Yuḥanna 17:25

A Baba iǧan nican, ddunect war c ṯessin ca walakin nec qa ssneɣ-c. Yina akiḏi ssnen qa ṯessekkeḏ-ayi-d cek.

Yuḥanna 17:8

Minzi nec ssiwḍeɣ-asen awaȓ iy ḏayi ṯuciḏ, niṯni qebȓen-ṯ. Ssnen ḏ ṣṣaḥ belli nec zi ɣarek iy d usiɣ, umnen ƹaweḏ belli ḏ cek iy ḏayi d issekken.

Yuḥanna 3:17

Arebbi war d issekk ca Mmis ɣar ddunect ḥima aḏ iḥaseb iwḏan; Lla, issekk-iṯ-iḏ ḥima azzayes isenjem iwḏan.

Yuḥanna 3:34

Wenni iy d issekk Arebbi issawaȓ s wawaȓ n Arebbi minzi iticc-as Arruḥ nnes bȓa ȓeqyas.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Yuḥanna 6:57

Mammec iy ḏayi d issekk Baba iddaren u nec ddareɣ zi Baba, amenni wenni ḏayi ɣa iccen azzayi iy iddar.

Yuḥanna 7:29

Nec ssneɣ-ṯ minzi nec zzayes u ḏ netta iy ḏayi d issekken."

Yuḥanna 8:19

Nnan-as: "Mani iǧa Babac?" Inna-asen Ƹisa: "Kenniw war ḏayi ṯessinem ca, war ṯessinem uȓa ḏ Baba. Maƹlik ḏayi ṯessnem aḏ tiȓi ṯessnem uȓa ḏ Baba."

1 Ayṯ-Kurinṯ 15:34

Arrem-d ȓbaȓ nwem, war ƹeṣṣaṯ ca. Qqareɣ-awem manaya bac aḏ tseḏḥam minzi ȓebƹaḍ zzaywem ḏaysen ȓeqfareṯ x Arebbi.

1 Ayṯ-Kurinṯ 8:4

Amma lmakla itqeddamen i lʼaṣnam, nessen lʼaṣnam ǧan ḏi ddunect-a walakin ḏ ixarriqen waha. Nessen neccin ijjen n Arebbi ig iǧan, waḥḏes.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

Ayṯ-Filippas 3:10

Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

2 Ayṯ-Salunik 1:8

Aḏ intaqem zeg yinni war issinen ca Arebbi ḏ yinni war itṭiƹin ca i Lʼinjil n Siḏiṯneɣ Ƹisa.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

2 Buṭrus 1:2

Aḏaywem imarni arḍa ḏ ȓehna s waṭṭas minzi ṯessnem Arebbi ḏ Siḏiṯneɣ Ƹisa.

2 Buṭrus 1:3

Aqa ṯizemmar nnes yuƹȓan ṯuca-aneɣ-d qaƹ min neḥḏaj ƹlaḥsab ṯuḏarṯ ḏ ṭṭaƹa nneɣ i Arebbi. Manaya minzi nessen wenni ḏaneɣ d iȓaɣan ɣar lƹaḍama nnes ḏ ṯuṣubḥant nnes.

2 Buṭrus 1:8

Cuf, kenniw meȓa ḏaywem ṯimesȓayin-a aḏaysent ṯarennim, ataf aḏaywem yiȓi nnfaƹ aḏ tarwem ƹaweḏ ḏi ṯusna n Siḏiṯneɣ Ƹisa Lmasiḥ.

1 Yuḥanna 1:2

Ṯusa-d ṯuḏarṯ ṯmeḍhar-d, neccin nẓer-it necheḏ xas. Netbeccar-ikenniw s ṯuḏarṯ-a war ifennin ca ƹemmarṣ. Tuɣa ṯeǧa ḏinni ak Babas ssenni ṯmeḍhar-aneɣ-d.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

1 Yuḥanna 2:23

Wenni ɣa inkaren Mmis ataf war ɣares itiȓi ca Babas. Wenni iy ɣa iqebȓen Mmis ataf aɣares yiȓi Babas.

1 Yuḥanna 4:6

Neccin zi Arebbi iy neǧa. Wenni issnen Arebbi itṣennaṭ-aneɣ. Wenni war iǧin ca zi Arebbi war ḏaneɣ itṣenniṭ ca. S manaya iy ɣa nessen Arruḥ n lḥaqiqa ḏ arruḥ n ixarriqen.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.