Yuḥanna 16:2 - Ṯarifiṯ 2020

² Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Yuḥanna 16:2 ပူးပေါင်းရင်းမြစ်များ

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Matta 24:9

Ssenni akenniw sellmen yiwḏan ḥima akenniw ƹeddben, akenniw nɣen. Marra dduwal akenniw ƹiffen ƹlaḥsab isem inu.

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Yuḥanna 12:42

Innama, iwḏan aṭṭas waxxa zi arruyas nni umnen zzayes. Walakin x ssabab n ifarrisiyen ugin yiwḏan-a at inin ḥima war ṯen ṭerden ca zi ṯemziḏa.

Yuḥanna 16:25

Ssiwȓeɣ-awem manaya s ȓemƹani. Aḏ d tas ijjen n ȓweqṯ war kiḏwem ssiwiȓeɣ ca s ȓemƹani. Aḏawem xebbareɣ x Baba s wawaȓen nican bȓa ȓemƹani.

Yuḥanna 16:32

Aḏ d tas ijjen n ȓweqṯ aqa ȓexxu ṯusa-d, aḏ temzeǧaƹem kenniw kuȓ ijjen zzaywem aḏ irewwaḥ. Aḏayi ṯsemḥem aḏ iȓiɣ waḥḏi, walakin war tiȓiɣ ca waḥḏi minzi Baba aqaṯ akiḏi.

Yuḥanna 4:21

Inna-as Ƹisa: "Tiqqa-ayi a ṯamɣarṯ, aḏ d tas ijjen n ȓweqṯ ataf kenniw war ṯƹebbḏem ca Baba uȓa ḏeg uḏrar-a uȓa ḏi Lquds.

Yuḥanna 4:23

Walakin aḏ d tas ȓweqṯ aqa ȓexxu ṯusa-d, maƹlik yinni iƹebbḏen nican ataf aḏ ƹebbḏen Baba s lḥaqiqa ḏ arruḥ. Ḏ yina iy xef irezzu Baba.

Yuḥanna 9:22

Nnan lwalidin nnes amenni minzi ggwḏen zeg imeqqranen n Ayṯ-Israʼil. Tuɣa imeqqranen nni tafqen belli wenni ɣa icehḏen Ƹisa ḏ Lmasiḥ, aṯ ṭerden zi ṯemziḏa.

Yuḥanna 9:34

Nnan-as: "Cek ḏ lƹaṣi zeg wami d ṯxeȓqeḏ, ma ṯrezzuḏ aḏaneɣ ṯesȓemḏeḏ neccin?" Ȓexddenni ṭerden-ṯ zi ṯemziḏa.

Ȓexḏayem 5:33

Wami sȓin i wawaȓ-a xeyyqen ɣeḍben rezzun aṯen nɣen.

Ȓexḏayem 7:56

Inna: "Aqa twaȓiɣ ajenna inurzem ḏ Mmis n bnaḏem ibedd x ufusi n Arebbi."

1 Ayṯ-Kurinṯ 4:13

Meȓa niṯni qqaren xaneɣ ȓbaṭeȓ, neccin ntarra-d xasen s yijjen n lʼiḥsan. Qa neccin ƹaḏ aȓ ȓexxu neḏweȓ am ṯzewbayṯ n ddunect-a ḏ zzbeȓ n marra yiwḏan.

Ayṯ-Filippas 3:6

Ƹlaḥsab zƹameṯ inu nec tuɣa tƹeddabeɣ jmaƹeṯ n ȓmuminin n Lmasiḥ. Ƹlaḥsab lqawanin iy iǧan ḏi ccariƹa tuɣayi s bȓa ȓƹib.

Lwaḥi 6:9

Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.