Yuḥanna 15:2 - Ṯarifiṯ 2020

² Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

Yuḥanna 15:2 ပူးပေါင်းရင်းမြစ်များ

Matta 13:12

Ȓaḥeqqac wenni iǧan ɣares itmarni-yas, aɣares yiȓi aṭṭas. Walakin wenni war ɣar iǧi ca, itwaksi-yas uȓa ḏ min ɣares.

Matta 13:33

Inna-asen Ƹisa ijjen n ȓmaƹna nneɣni: "Ȓmulk ujenna am untun ṯeysi-ṯ yijjen n ṯemɣarṯ ṯuggwa zzayes ȓmudd n waren, antun nni isgaƹƹeḏ-iṯ-iḏ marra."

Matta 15:13

Indeq-d Ƹisa inna-asen: "Kuȓ arbiƹ war ṯ iẓẓu ca Baba iǧan ḏeg ujenna aḏ ineqȓeƹ s iẓewran nnes.

Matta 21:19

Iẓra ijjen n ṯcejjarṯ n ṯazarṯ x ubriḏ iruḥ ɣares yufi-t ḏayes ṯifray waha. Inna-as: "Cem zi ssa aȓ ṯsawent ƹemmarṣ aḏ tarweḏ." Ȓexddenni ṯuzeɣ ṯcejjarṯ nni n ṯazarṯ.

Matta 25:29

Wah, wenni iǧan ɣares itmarni-yas, aɣares yiȓi aṭṭas. Wenni war ɣar iǧi ca, itwaksi-yas uȓa ḏ min ɣares.

Matta 3:10

Aqa caqur iwjeḏ ḥima aḏ iqess iẓewran n ȓcejjur. Mkuȓ ṯacejjarṯ iy war itirwen ca min iǧan ḏ aṣebḥan ataf aḏ twaqess aḏ tmenḍar ḏi ṯmessi.

Matta 3:12

Ɣares ṯazzarṯ ḏeg ufus ḥima aḏ izuzzar ṯaffa nnes qaƹ, aḏ ismun ṯiḥebba n yirḏan aṯent igg ḏi ṯesrafṯ. Min war ineffƹen ca aṯ issecmeḍ ḏi ṯmessi iy war ixessin ƹemmarṣ."

Matta 7:19

Marra ṯacejjarṯ iy war itirwen ca min iǧan ḏ aṣebḥan aḏ twaqess aḏ tmenḍar ḏi ṯmessi.

Marqus 4:20

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ tarwen. Ȓebƹaḍ tarwen ṯȓaṯin, ȓebƹaḍ settin, ȓebƹaḍ miyya."

Luqa 8:13

Zzarriƹeṯ nni ig iwḍan jar yizra nettaṯ am yiwḏan iy tesȓan i wawaȓ n Arebbi, qebȓen-ṯ s ȓefraḥeṯ. Wami war uwṯin bu iẓewran mliḥ ḏeɣya tneqȓaƹen. Tamnen zzayes ɣir ḏeg yijjen n ȓweqṯ waha, ḏi ȓweqṯ n ȓemḥayen ḏeɣya teffɣen abriḏ.

Yuḥanna 15:1

"Nec ḏ ṯzayarṯ uḍiȓ ḏ ṣṣaḥ. Baba ḏ bab n ṯzayarṯ uḍiȓ.

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:3

Kenniw ḏ imenqawiyen ḏeg useȓmeḏ iy ḏawem nniɣ.

Yuḥanna 15:6

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

Yuḥanna 15:8

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

Yuḥanna 17:12

Wami kiḏsen ǧiɣ, ḥefḍeɣ xasen s yisem nnec iy ḏayi ṯuciḏ. Ḥḍiɣ-ṯen, uȓa ḏ ijjen ma iweddar ɣir wenni tuɣa iweddaren ḥima aḏ ikemmeȓ min iqqar Lkitab.

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

Ayṯ-Ruma 11:22

Iḏen xzar mecḥaȓ iṣbeḥ Arebbi mecḥaȓ iy iqseḥ. Iqseḥ x yinni iwḍan; iṣbeḥ akiḏec cek iƹni meȓa ṯeqqimeḏ ḏi ȓxir nnes. Meȓa lla ataf aḏ twaqesseḏ uȓa ḏ cek.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

1 Ayṯ-Kurinṯ 13:1

Maƹlik ssawaȓeɣ s yiȓesawen n iṯarrasen s lluɣa, maƹlik ssawaȓeɣ s lluɣa n lmalaʼikaṯ iƹni ruḥiya, maca ȓemḥibbeṯ war ḏayi tiȓi ca, iȓi tseddaƹeɣ am yij n darbuga, temqerqabeɣ am ȓeqraqeb waha.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.

Lwaḥi 3:19

Nec trebbiɣ nehhiɣ marra wenni tḥibbiɣ. Cek lʼiman nnec sejheḏ-iṯ, tub.