Yuḥanna 13:1 - Ṯarifiṯ 2020

¹ Qbeȓ i Ȓƹiḏ Ameqqran, netta Ƹisa issen qa ȓweqṯ nnes ṯuweḍ-d aḏ imutti zi ddunect-a ɣar Babas. Netta iḥibb yinni iǧan akiḏes ḏi ddunect, iḥibb-iṯen aȓ uneggaru.

Yuḥanna 13:1 ပူးပေါင်းရင်းမြစ်များ

Matta 26:45

Iḏweȓ-d ɣar imeḥḍaren-a inna-asen: "Ƹaḏ ṯeṭṭṣem, ƹaḏ ṯreyyḥem? Ṣafi, baraka! Aqa ṯuweḍ-d ȓweqṯ nni iy ḏi ɣa itwasellem Mmis n bnaḏem ɣar ifassen n yinni iƹeṣṣan.

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Luqa 22:53

Tuɣa tɣimiɣ akiḏwem mkuȓ nhar ḏi ṯemzida ṯameqqrant war ḏayi ṯeṭṭifem ca. Walakin ȓexxu ḏ ṯsaƹƹat nwem ḏ jjheḏ n ṯaǧest."

Luqa 9:51

Ƹisa wami d tuweḍ ȓweqṯ nnes iy ḏi ɣa itwarfeƹ ɣar ujenna, ikkar iwejjeh aɣembub nnes bac aḏ iraḥ ɣar ṯendint n Lquds.

Yuḥanna 11:55

Iqarreb-d Ȓƹiḏ Ameqqran n Ayṯ-Israʼil. Usin-d aṭṭas n yiwḏan zi ȓedcur ɣar Lquds ḥima aḏ ṭehharen ixef nsen qbeȓ i Ȓƹiḏ.

Yuḥanna 12:23

Indeq-d Ƹisa inna-asen: "Ṯusa-d ȓweqṯ aḏ itwarfeƹ Mmis n bnaḏem.

Yuḥanna 13:29

Tɣiȓ-asen i ȓebƹaḍ qa inna-as aḏ iseɣ min ḥḏajen ḏi Ȓƹiḏ niɣ aḏ iṣeddeq x imesƹan minzi Yahuḏa mkellef x ucemmus n tmenyaṯ.

Yuḥanna 13:3

Tuɣa Ƹisa issen qa Babas igga-as kuȓci ḏeg ifassen nnes, yusa-d zi Arebbi aḏ iḏweȓ ɣar Arebbi.

Yuḥanna 13:34

Ȓexxu ticceɣ-awem ijjen n ȓuṣiyeṯ ḏ jḏiḏ: Ḥibbeṯ ayawya. U ḥibbeṯ ayawya mammec kenniw ḥibbeɣ nec.

Yuḥanna 14:28

Ṯesȓam qa nniɣ-awem: Nec aḏ uyureɣ, aḏ d ƹeqbeɣ ɣarwem. Meȓa ṯḥibbim-ayi, ataf kenniw aḏ tfarḥem belli aḏ raḥeɣ ɣar Baba minzi Baba ḏ ameqqran xafi.

Yuḥanna 14:31

Lla, nec teggeɣ zi min ḏayi iweṣṣa Baba ḥima ddunect-a aḏ tessen qa nec tḥibbiɣ Baba. Kkareṯ ssanita, yallah a nraḥem."

Yuḥanna 16:28

Ffɣeɣ-d zi Baba wḍeɣ-d ɣar ddunect-a. Aḏ uyureɣ zi ddunect-a aḏ ƹeqbeɣ ƹaweḏ ɣar Baba."

Yuḥanna 17:1

Wami issiweȓ Ƹisa x manaya, iysi ṯiṭṭawin nnes ɣar ujenna inna: "A Baba, ṯuweḍ-d ȓweqṯ. Semɣar Mmic ḥima ac isemɣar.

Yuḥanna 17:16

Niṯni war ǧin ca zi ddunect, amecnaw nec war ǧiɣ ca zi ddunect.

Yuḥanna 17:26

Nec sbeyyneɣ-asen-d isem nnec u ƹaḏ aṯ sbeyyneɣ ḥima aḏaysen ṯiȓi ȓemḥibbeṯ nni iy zi ḏayi tḥibbiḏ, aḏaysen iȓiɣ nec s yixef inu."

Yuḥanna 17:5

Semɣar-ayi ȓexxu akiḏec a Baba s lƹaḍama nni tuɣa ɣari wami ǧiɣ akiḏec qbeȓ ma aḏ tiȓi ddunect.

Yuḥanna 18:4

Issen Ƹisa marra min ḏas ɣa iweqƹen, iffeɣ-d ɣarsen inna-asen: "Minxef ṯrezzum?"

Yuḥanna 19:28

Menbaƹd i manaya issen Ƹisa belli kuȓci ikemmeȓ, inna: "Aqayi ffuḏeɣ." S wawaȓ nni iffeɣ min d yusin ḏi Lkitab.

Yuḥanna 2:13

Wami d yuweḍ Ȓƹiḏ Ameqqran n Ayṯ-Israʼil, ikkar Ƹisa yuȓi ɣar ṯendint n Lquds.

Yuḥanna 6:4

Ȓƹiḏ Ameqqran n Ayṯ-Israʼil war ḏas iqqim ca aḏ d yaweḍ.

Yuḥanna 7:30

Ȓexddenni rezzun aṯ ṭṭfen, walakin war xas isers fus ḥadd zzaysen minzi ȓweqṯ nnes ƹaḏ war d tuwiḍ.

Yuḥanna 7:6

Inna-asen Ƹisa: "Ȓweqṯ inu ƹaḏ war d tuwiḍ ca ḥima aḏ raḥeɣ, walakin kenniw aḏ traḥem ḏi ayyi ȓweqṯ.

Yuḥanna 8:20

Inna awaȓ-a ḏi ṯemziḏa ṯameqqrant nsen mani jemmƹen ṣṣaḏaqa, iseȓmaḏ ḏinni. War ṯ iṭṭif uȓa ḏ ijjen minzi ȓweqṯ nnes ƹaḏ war d tuwiḍ.

Ayṯ-Ruma 8:37

Walakin ḏi marra manaya neccin netwaḥsab ktar zi lʼabṭal x ufus n wenni iy ḏaneɣ ixsen.

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Iƹibraniyen 6:11

Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.

1 Buṭrus 1:13

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

1 Yuḥanna 4:19

Neccin ntexs minzi netta ixes-aneɣ ḏ amezwaru.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.