Yuḥanna 10:4 - Ṯarifiṯ 2020

⁴ Aḏ isufeɣ marra iḥuȓiyen nnes iggur zzaṯsen, iḥuȓiyen nni ḏeffaren-ṯ minzi ssnen ṣṣut nnes.

Yuḥanna 10:4 ပူးပေါင်းရင်းမြစ်များ

Matta 16:24

Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Yuḥanna 10:16

Ɣari iḥuȓiyen nneɣni war ǧin ca ḏi ȓkuri-ya, itxeṣṣa-ayi aṯen d awiɣ. Aḏ sȓen i ṣṣut inu aḏ tiȓi ḏ ijjen n ṯḥimerṯ ḏ ijjen iy ṯen ɣa yarewsen.

Yuḥanna 10:27

Iḥuȓiyen inu tesȓan ɣar ṣṣut inu, ssneɣ-ṯen niṯni ḏeffaren-ayi.

Yuḥanna 10:3

Aƹessas n ȓkuri aḏas irzem ṯawwarṯ i wenni iy yarewwsen, iḥuȓiyen nnes tesȓan i ṣṣut nnes. Itȓaɣa x iḥuȓiyen nnes s yisemawen nsen, aṯen isufeɣ.

Yuḥanna 10:5

Walakin aṯarras n midden war ṯ ḏeffaren ƹemmarṣ, azzayes arewȓen minzi niṯni war ssinen ca ṣṣut n uṯarras n midden."

Yuḥanna 10:8

Marra yinni d yusin qbeȓ i nec niṯni twaḥasben ḏ iceffaren ḏ ixewwanen, iḥuȓiyen niṯni war ɣarsen sȓin ca.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Yuḥanna 13:15

Ggiɣ-awem ammu ḥima aḏ teggem min ggiɣ nec.

Yuḥanna 18:37

Inna-as Bilaṭus: "Zaƹma, cek ḏ azeǧiḏ?" Inna-as Ƹisa: "Ṯenniḏ cek nec ḏ azeǧiḏ. Nec xeȓqeɣ-d usiɣ-d ɣar ddunect-a ḥima aḏ cehḏeɣ i lḥaqiqa. Marra wenni iǧan zi lḥaqiqa aḏ iḏfar awaȓ inu."

Yuḥanna 3:29

Wenni ɣar ṯeǧa ṯsȓiṯ, netta ḏ muȓay. Awzir n muȓay iƹni wenni itbeddan zzaṯes itsȓa-yas, netta ifarreḥ aṭṭas i wawaȓ n muȓay. Ammu uȓa ḏ nec farḥeɣ aṭṭas.

1 Ayṯ-Kurinṯ 11:1

Ḏeffarem-ayi-d mammec ḏeffareɣ nec Lmasiḥ.

Ayṯ-Ufasus 5:1

Falihaḏa ggem mamc itegg Arebbi minzi kenniw ḏ ṯarwa nnes imƹizzen.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 6:20

Ḏeg umcan nni yuḏef Ƹisa ḏinni ḏ amezwaru ƹlaḥsab neccin, iḏweȓ ḏ ȓefqi ameqqran i ȓebda amecnaw lfirqa nni n ȓefqi umi qqaren Malikiṣadiq.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.

1 Buṭrus 4:1

Fa Ƹisa Lmasiḥ itwaƹeddeb ḏi ddat nnes. X manaya ƹaweḏ kenniw aḏ tesjehḏem ixef nwem s array nni nnes. Mayemmi? Meȓa ṯetwaƹeddbem ḏi ddat nwem, ṣafi ṯbeƹƹḏem ƹaweḏ x ȓmuƹṣiyeṯ.

1 Buṭrus 5:3

Maci axasen tḥekmem s uziyyar x yinni iy xef tkellafem; Lla, aḏ tiȓim ḏ lmiṯal i ṯḥimerṯ iy ɣa tebƹen.