Yuḥanna 10:1 - Ṯarifiṯ 2020

¹ "Aqa tesȓam ȓḥaqq: Wenni war itiḏfen ca zi ṯewwarṯ n ȓkuri n iḥuȓiyen itgaƹƹaḏ manis nneɣni, netta itwaḥsab ḏ aceffar ḏ axewwan.

Yuḥanna 10:1 ပူးပေါင်းရင်းမြစ်များ

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Yuḥanna 10:7

Inna-asen Ƹisa ƹaweḏ: "Aqa tesȓam ȓḥaqq: Nec ḏ ṯawwarṯ n ȓkuri.

Yuḥanna 3:3

Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Ayṯ-Ruma 10:15

U mammec ɣa ggen aḏ ḥeddṯen meȓa war ḏasen d issekk ḥadd? Aqa iqqar Lkitab:

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

Titus 1:11

Yina aqemmum nsen itxeṣṣa-yasen aḏasen itwaqqen. Niṯni mecḥaȓ n lƹaʼilaṯ kemȓent iy sparḏȓen wami ḏasen seȓmaḏen ṯimesȓayin itxeṣṣa-yasen war ḏasen ṯent seȓmiḏen ca, niṯni ḍemmƹen ḏi tmenyaṯ waha.

Iƹibraniyen 5:4

Ƹaweḏ war ḏinni ḥadd iy ɣa isemɣaren ixef nnes aḏ ixḏem s ccan-a iƹni ḏ ȓefqi ameqqran; Lla, ḏ Arebbi iy ḏas iticcen ȓḥaqq nni mammec ḏas ṯ yuca i ȓefqi nni umi qqaren Harun.

1 Buṭrus 1:10

X usenjem-a wanita ssiwȓen xas lʼanbiya, iƹni arḍa nni iy tuɣa ḏawem d ɣa imeḍharen. Niṯni rezzun xas mliḥ tfettacen xas aṭṭas.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

2 Buṭrus 2:3

Ƹlaḥsab aƹeddis nsen aḏawem ccen ȓmux s wawaȓen iy tsayasen waha. Mecḥaȓ zeg wami lƹiqab nsen ƹaḏ itrajan-ṯen war iteṭṭeṣ ca.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.