Yuḥanna 1:9 - Ṯarifiṯ 2020

⁹ iƹni nnur nni nican tuɣa d itasen ɣar ddunect-a aḏ iceƹceƹ x kuȓ bnaḏem.

Yuḥanna 1:9 ပူးပေါင်းရင်းမြစ်များ

Matta 6:23

Walakin meȓa ṯiṭṭawin nnec war ǧint ca mliḥ, ataf marra ṯuḏarṯ nnec aḏayes ṯiȓi ṯaǧest. Meȓa ṯfawṯ iy ḏayec ṯeḏwer ḏ ṯaǧest, cḥaȓ ḏ ṯubbarcent iy tiȓi ḏ ṯaǧest nni iy ḏayec.

Luqa 11:36

Meȓa marra ddat nnec ḏayes ṯfawṯ war ḏayes bu ṯaǧest, ataf aḏ tceƹceƹ aṭṭas aḏ tegg ṯfawṯ amecnaw mammec ḏawem iticc ȓqendiȓ ṯfawṯ."

Yuḥanna 1:4

Ḏayes iy ṯeǧa ṯuḏarṯ, u ṯuḏarṯ nni nettaṯ ḏ nnur i yiwḏan.

Yuḥanna 1:7

Netta yusa-d ḏ ccaheḏ ḥima aḏ icheḏ i nnur, ḥima s chaḏeṯ nnes aḏ amnen marra iwḏan.

Yuḥanna 12:46

Usiɣ-d ɣar ddunect-a ḏ nnur ḥima wenni iy zzayi yumnen war itɣimi ca ḏi ṯaǧest.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 15:1

"Nec ḏ ṯzayarṯ uḍiȓ ḏ ṣṣaḥ. Baba ḏ bab n ṯzayarṯ uḍiȓ.

Yuḥanna 6:32

Inna-asen Ƹisa: "Aqa tesȓam ȓḥaqq: War iǧi bu ḏ Musa iy ḏawem yucin aɣrum zeg ujenna; Lla, ḏ Baba iy ḏawem iticcen aɣrum n ṣṣaḥ zeg ujenna.

Yuḥanna 7:12

Aṭṭas ig itwecwicen zi ȓɣaci xas qqaren netta ḏ aryaz n ȓxir. Walakin inneɣni zzaysen qqaren lla, isxarriq xaneɣ waha.

1 Yuḥanna 1:8

Meȓa neqqar war ḏayneɣ bu ȓmuƹṣiyaṯ ataf nesxarriq x yixef nneɣ waha, ataf lḥaqiqa war ḏayneɣ ṯzeddeɣ ca.

1 Yuḥanna 2:8

Walakin nettaṯ ƹaweḏ ḏ ijjen n ȓuṣiyeṯ ḏ jḏiḏ iy ḏawem d uriɣ. Lḥaqiqa nnes ntwaȓa-t ḏi Ƹisa ntwaȓa-t ḏaywem ȓaḥeqqac ṯaǧest ṯƹeddu, ȓexxu nnur n ṣṣaḥ ṣafi itceƹciƹ-d.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.