Yuḥanna 1:4 - Ṯarifiṯ 2020

⁴ Ḏayes iy ṯeǧa ṯuḏarṯ, u ṯuḏarṯ nni nettaṯ ḏ nnur i yiwḏan.

Yuḥanna 1:4 ပူးပေါင်းရင်းမြစ်များ

Matta 4:16

Ccaƹb-a iy izeddɣen ḏi ṯaǧest, aḏ iẓer ṯfawṯ ḏ ṯameqqrant. Yina izeddɣen ḏi ṯaǧest n ȓmewṯ aḏasen d imeḍhar nnur.>

Luqa 2:32

Netta ḏ ijjen n nnur iy ṯesmeḍhareḏ i ȓegnus, netta ḏ ijjen n lƹaḍama n ccaƹb nnec n Ayṯ-Israʼil."

Yuḥanna 11:25

Inna-as Ƹisa: "Nec ḏ lqiyama nec ḏ ṯuḏarṯ, wenni itamnen zzayi ataf aḏ iddar waxxa immuṯ.

Yuḥanna 12:35

Inna-asen Ƹisa: "Ḏrust n ȓweqṯ iy kiḏwem itiȓi nnur. Uyurem madama ƹaḏ ɣarwem nnur-a ḥima war xawem d ṯḥarreṯ ṯaǧest. Wenni igguren ḏi ṯaǧest war issin mani iggur.

Yuḥanna 12:46

Usiɣ-d ɣar ddunect-a ḏ nnur ḥima wenni iy zzayi yumnen war itɣimi ca ḏi ṯaǧest.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 3:19

Ḏ wa ḏ lḥukem iy xas ɣa yiȓin: Nnur yusa-d ɣar yiwḏan, yiwḏan xsen ṯaǧest ḥsen zi nnur minzi teggen ccarr.

Yuḥanna 5:21

Mammec d isnekkar Babas yinni immuṯen iticc-asen ṯuḏarṯ, uȓa ḏ Mmis iticc-asen ṯuḏarṯ i yinni ixes.

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Yuḥanna 8:12

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Yuḥanna 9:5

Madama ƹaḏ ǧiɣ ḏi ddunect, nec ḏ nnur n ddunect."

Ȓexḏayem 26:23

Iƹni, Lmasiḥ wa labud aḏ itwaƹeddeb aḏ ibeccar lʼumma nneɣ s nnur ḏ marra yinni war iǧin ca zi Ayṯ-Israʼil liʼanna ḏ netta iy d ɣa ikkaren ḏ amezwaru zi ȓmewṯ."

1 Ayṯ-Kurinṯ 15:45

Ammu iqqar Lkitab: "Bnaḏem amezwaru iƹni Adam iḏweȓ ḏ buḥbeȓ iddaren." Adam aneggaru netta ḏ buḥbeȓ ig iseddaren.

Ayṯ-Ufasus 5:14

minzi ḏ nnur iy d ismeḍharen marra. X manaya iqqar Lkitab:

Ayṯ-Kulus 3:4

Xmi d ɣa imeḍhar Lmasiḥ iƹni wenni iǧan ḏ ṯuḏarṯ nwem, ȓexddenni akiḏes tmeḍharem uȓa ḏ kenniw ḏi lƹaḍama.

1 Yuḥanna 1:1

Min tuɣa ḏinni zeg umezwaru, netsȓa-yas neẓẓer-iṯ s ṯiṭṭawin nneɣ, nxezzar ḏayes netḥaḏa-ṯ s ifassen nneɣ iƹni ḏ Awaȓ n ṯuḏarṯ.

1 Yuḥanna 1:2

Ṯusa-d ṯuḏarṯ ṯmeḍhar-d, neccin nẓer-it necheḏ xas. Netbeccar-ikenniw s ṯuḏarṯ-a war ifennin ca ƹemmarṣ. Tuɣa ṯeǧa ḏinni ak Babas ssenni ṯmeḍhar-aneɣ-d.

1 Yuḥanna 5:11

Ḏ ṯanita ḏ chaḏeṯ-a iƹni Arebbi yuca-aneɣ-d ṯuḏarṯ n ȓebda, ṯuḏarṯ-a aqat ḏi Mmis.

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 22:16

Ḏ nec Ƹisa ssekkeɣ-d lmalak inu ḥima aḏawem icheḏ x ṯmesȓayin-a ḏi ṯjumaƹ n ȓmuminin. Nec ḏ lʼaṣel n Dawed u zi ddurriṯ nnes. Nec ḏ iṯri n ȓefjar itceƹciƹen."