Yuḥanna 1:3 - Ṯarifiṯ 2020

³ Zzayes iy d ixȓeq Arebbi marra, u bȓa awaȓ nni war tiȓi uȓa ḏ ijjen n ṯmesȓayṯ zi min d ixȓeq.

Yuḥanna 1:3 ပူးပေါင်းရင်းမြစ်များ

Yuḥanna 1:10

Nnur nni tuɣa iǧa ḏi ddunect. Waxxa ḏ netta ig iggin ddunect, ayṯbab n ddunect war ṯ ssinen ca.

Yuḥanna 1:2

Ḏeg umezwaru iǧa ak Arebbi.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

Ayṯ-Ufasus 3:9

Ƹaweḏ bac aḏ seḍhareɣ mliḥ i marra iwḏan min ixeṭṭeṭ Arebbi ḏi ȓmaƹna nni inuffaren ig ijja netta ḏeg yixef nnes ḏi zmanaṯ iy iƹḏun u ḏ netta ḏ Lxaliq n marra min iǧan ḏ ṯimesȓayin.

Iƹibraniyen 11:3

S lʼiman iy nfehhem qa ddunect-a ṯetwaxȓeq-d s wawaȓ n Arebbi iƹni min ḏayes netwaȓa war d ikki ca zi min d itbanen.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

Lwaḥi 3:14

Ari-yas i lmalaʼika n jmaƹṯ n ȓmuminin iy iǧan ḏi ṯendint n Lawdukya, ini-yas qa wenni umi qqaren Amin, netta ḏ ccaheḏ ḏayes ȓaman ḏayes ȓḥaqq, zzayes iy d ixȓeq Arebbi marra, iqqar-ac:

Lwaḥi 4:11

"A Mawlana a Siḏi Arebbi nneɣ, ḏ cek iy isḏaheǧen lƹaḍama ḏ uweqqar ḏ jjheḏ, ȓaḥeqqac cek ṯxeȓqeḏ kuȓci, s ȓxaḍar nnec twaxeȓqen-d aqaṯen ǧan."