Yahuḏa 1:20 - Ṯarifiṯ 2020

²⁰ Kenniw ay imƹizzen inu, bnaṯ ixef nwem ḏi dsas n lʼiman yuƹȓan iy iǧan ḏaywem, ẓaǧem s Arruḥ iqeddsen.

Yahuḏa 1:20 ပူးပေါင်းရင်းမြစ်များ

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Ȓexḏayem 9:31

Ḏi ȓweqṯ nni jmaƹeṯ n ȓmuminin ḏi marra jwayeh n Yahuḏiya ḏ Ljalil ḏ Samarya hnan. Twajehḏen, teggwḏen zi Siḏi Arebbi, twacejjaƹen s Arruḥ iqeddsen, tmarnin ḏi lƹadad.

Ayṯ-Ruma 15:2

Mkuȓ ijjen zzayneɣ itxeṣṣa-yas axas yarḍa wajjar nnes akiḏes igg ȓxir ḥima aḏ ijheḏ.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

1 Ayṯ-Kurinṯ 10:23

Marra ṯimesȓayin ḥeǧȓent, walakin maci marra ṯimesȓayin testenfaƹent. Marra ṯimesȓayin ḥeǧȓent, walakin maci marra ṯimesȓayin aḏaneɣ sjehḏent.

1 Ayṯ-Kurinṯ 14:15

Iwa min ɣa ggeɣ? Aḏ ẓẓaǧeɣ s arruḥ inu, aḏ ẓẓaǧeɣ ƹaweḏ s ȓaƹqeȓ inu. Aḏ ɣennjeɣ s arruḥ inu, aḏ ɣennjeɣ ƹaweḏ s ȓaƹqeȓ inu.

1 Ayṯ-Kurinṯ 14:26

Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Ufasus 4:29

War tejjaṯ ca aḏ d iffeɣ zeg uqemmum nwem can wawaȓ ḏ aƹeffan. Lla, aḏ d iffeɣ zzayes ɣiȓ awaȓ aṣebḥan wenni itcejjaƹen ḏ wenni itḥellalen bac azzayes snefƹen yinni ḏas itesȓan.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

1 Ayṯ-Salunik 5:11

Falihaḏa tcejjaƹeṯ ayawya tƹawaneṯ ayawya mammec teggem ȓexxu.

1 Timutawus 1:4

Aḏasen ṯiniḏ war ḏeffarem ca ṯiḥuja niɣ ḏ ṯacejjarṯ nni war iqeṭṭin ca x ȓejḏuḏ nwem. Ṯimesȓayin-a am ṯina ɣir tsejjaƹent-aneɣ bac a nweddar ḏi lʼafkar ixwan, war ḏaneɣ ṯsiwwiḍent ca ɣar min itxeṭṭeṭ Arebbi minzi min ḏaneɣ isawwaḍen ɣar Arebbi netta ḏ lʼiman.

2 Timutawus 1:5

Ƹeqȓeɣ x lʼiman nnec bȓa nnifaq wenni iǧan ḏ amezwaru ḏi ḥennac Lwiza ḏ yemmac Anisa. Ȓexxu teyyqeɣ ḏ ṣṣaḥ belli aqaṯ ḏayec uȓa ḏ cek.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Yaƹqub 2:22

Aqa twaȓiḏ lʼiman n Brahim ixeddem ak ȓexḏayem nnes, uca lʼiman nnes iḏweȓ ikmaȓ s ȓexḏayem-a iy igga.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

1 Yuḥanna 5:4

Aqa marra wenni iy d ixeȓqen zi Arebbi aḏ iɣȓeb x ddunect-a. Ḏ wa ḏ aɣȓab iy zi neɣȓeb x ddunect-a iƹni lʼiman nneɣ.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.