Yaƹqub 1:26 - Ṯarifiṯ 2020

²⁶ Wenni itḥassaben ixef nnes ɣares ddin war iḥeṭṭi ca iȓes nnes, ataf ixeddeƹ ixef nnes waha war ɣares bu ddin.

Yaƹqub 1:26 ပူးပေါင်းရင်းမြစ်များ

Matta 15:9

Iwḏan-a ƹebbḏen-ayi ḏi ȓxawi, ȓaḥeqqac seȓmaḏen ṯimesȓayin iǧan ḏ ȓuṣiyaṯ n bnaḏem waha.>"

Marqus 7:7

Iwḏan-a ƹebbḏen-ayi ḏi ȓxawi, ȓaḥeqqac seȓmaḏen ṯimesȓayin iǧan ḏ ȓuṣiyaṯ n bnaḏem waha.>

Luqa 8:18

Arrem-d ȓbaȓ nwem i mammec tesȓam. Wenni iǧan ɣares itmarni-yas. Walakin wenni war ɣar iǧi ca, itwaksi-yas uȓa ḏ min ḏas itɣir ɣares."

1 Ayṯ-Kurinṯ 15:15

Maƹlik amenni, iȓi nufa ixef nneɣ ncehheḏ ẓẓur x Arebbi. Mayemmi? Ȓaḥeqqac necheḏ x Arebbi belli isekkar-d Lmasiḥ zi ȓmewṯ. Walakin maƹlik war tiȓi bu lqiyama n imettinen, iȓi Arebbi zaƹma war d isekkar ca Lmasiḥ zi ȓmewṯ.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

1 Ayṯ-Kurinṯ 3:18

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.

Ayṯ-Galaṭya 2:6

Amma yinni tɣir-awem ḏ imeqqranen xawem, niṯni war arnin uȓa ḏ ijjen n wawaȓ zi min beccareɣ nec. Qqareɣ manaya, min ma ƹnan yina ɣari kif-kif, iƹni Arebbi war itegg bu s wuḏemawen jaraneɣ.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Ayṯ-Galaṭya 3:4

Marra min tƹeddbem, ma iruḥ ḏ ȓbaṭeȓ niɣ? Lla, imken maci ḏ ṣṣaḥ!

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

Ayṯ-Ufasus 4:29

War tejjaṯ ca aḏ d iffeɣ zeg uqemmum nwem can wawaȓ ḏ aƹeffan. Lla, aḏ d iffeɣ zzayes ɣiȓ awaȓ aṣebḥan wenni itcejjaƹen ḏ wenni itḥellalen bac azzayes snefƹen yinni ḏas itesȓan.

Ayṯ-Ufasus 5:4

U labud ƹaweḏ war itiȓi ca jarawem awaȓ aƹeffan niɣ ḏ wawaȓ ixwan niɣ ḏ nnukta ḏ ṯaƹeffant; Lla, itxeṣṣa aḏ yiȓi ccuker i Arebbi.

Ayṯ-Kulus 4:6

U labud awaȓ nwem aḏ yiȓi ȓebda iccur s arḍa imeǧḥen s ȓemȓeḥ bac aḏ tessnem mamc ɣa ṯarrem x kur ijjen.

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

Yaƹqub 1:22

Fa maci aḏ tesȓem i wawaȓ n Arebbi u ṣafi; Itxeṣṣa-kenniw azzayes ṯxeddmem ḥima war ṯxeddƹem ca ixef nwem.

Yaƹqub 2:20

Ay aryaz, cek ṯqefȓeḏ! Ma nec aḏawem d sbeyyneɣ belli lʼiman bȓa ȓexḏayem war ḏayes bu nnfaƹ?

1 Buṭrus 3:10

Liʼanna iqqar: