Titus 2:7 - Ṯarifiṯ 2020

⁷ Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

Titus 2:7 ပူးပေါင်းရင်းမြစ်များ

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Ayṯ-Kurinṯ 8:8

War qqareɣ ca manaya ḏ ijjen n ȓuṣiyeṯ; Nec rezzuɣ aḏ jarrbeɣ lḥaqiqa n ȓemḥibbeṯ nwem iƹni tcabbaheɣ min teggem kenniw ak mammec tḥawaȓen iwḏan nneɣni s wuȓawen nsen ḏi ȓxeḏmeṯ-a.

Ayṯ-Ufasus 6:24

Aḏ yiȓi arḍa i marra yinni ig itḥibban Siḏiṯneɣ Ƹisa Lmasiḥ s yijjen n ȓemḥibbeṯ war ṯfenni ca ƹemmarṣ.

Ayṯ-Filippas 1:10

Ḥima aḏ tixḍarem min iǧan ḏ aṣebḥan ḥima aḏ tiȓim ṯeṣfam bȓa ȓƹib ɣar nhar n Lmasiḥ.

2 Ayṯ-Salunik 3:9

Negga manayenni maci war ɣarneɣ bu ȓḥaqq aḏaneɣ ṯƹawnem; Lla, nseḍhar-awem-d abriḏ iy ɣa ṯeḏfarem.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

1 Buṭrus 5:3

Maci axasen tḥekmem s uziyyar x yinni iy xef tkellafem; Lla, aḏ tiȓim ḏ lmiṯal i ṯḥimerṯ iy ɣa tebƹen.