Titus 2:5 - Ṯarifiṯ 2020

⁵ aḏ ḥekment x ṯnefsiyṯ nsent aḏ iȓint ṣfant, aḏ ggent ccɣeȓ ḏi ṯeddarṯ nsent, aɣarsent yiȓi wuȓ ḏ acemȓaȓ, aḏ ṭaƹent i iryazen nsent ḥima awaȓ n Arebbi war itwaƹeyyib ca.

Titus 2:5 ပူးပေါင်းရင်းမြစ်များ

Ȓexḏayem 9:36

Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

Ȓexḏayem 9:39

Ikkar Buṭrus iruḥ akiḏsen. Wami yuweḍ sgaƹƹḏen-ṯ ɣar ṯɣurfat nni. Nnḍent-as-d i netta marra ṯajjaȓin, trunt seḍharent-as ičammiren ḏ izeǧuba tuɣa ṯxeyyeḍ Ṭabita wami tuɣa ṯeǧa akiḏsent.

Ayṯ-Ruma 14:16

Amenni war tejjam ca iwḏan aḏ ssiwȓen ccarr x min twaȓim ḏ aṣebḥan.

Ayṯ-Ruma 2:24

Aqa mammec iqqar Lkitab:

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

1 Ayṯ-Kurinṯ 14:34

Ṯimɣarin ḏi ṯjumaƹ n ȓmuminin labud aḏ qqiment stukant. War ḏasent itwasmiḥ ca aḏ ssiwȓent. Labud aḏ tseḏḥant mammec ṯeqqar Ccariƹa n Musa.

Ayṯ-Ufasus 5:33

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

Ayṯ-Kulus 3:18

A ṯimɣarin, ṭaƹent i iryazen nkent minzi manaya ig iǧan ḏ lmaƹqul zi Arebbi.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Timutawus 6:1

Marra yinni iǧan ḏ isemɣan ṯḏeqqeȓ xasen ṯzayȓut nni wa labud aḏ fekkaren belli ayṯbab nsen sḏaheǧen marra min iǧan ḏ aweqqar bac iwḏan war tƹeyyiben ca isem n Arebbi ḏ ttaƹlim nneɣ.

Titus 2:4

Amenni aḏ rebbant ṯimɣarin ṯimezyanin ḥima aḏ texsent iryazen nsent ḏ ṯarwa nsent,