Titus 1:8 - Ṯarifiṯ 2020

⁸ Wah, itxeṣṣa aḏ itreḥḥab zeg inewjiwen, aḏas iteƹjib min iǧan ḏ aṣebḥan, aḏ iḥkem x ṯnefsiyṯ nnes, aḏayes yiȓi lmaƹqul, aḏ yiȓi iṣfa, aḏ irebba ixef nnes.

Titus 1:8 ပူးပေါင်းရင်းမြစ်များ

Luqa 2:25

Tuɣa ḏinni ḏi ṯendint n Lquds ijjen n bnaḏem qqaren-as Cimƹun. Iggur nican, iteggweḏ Arebbi, itraja Ayṯ-Israʼil aḏ nejmen, Arruḥ iqeddsen aqaṯ xas.

Ȓexḏayem 24:25

Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

1 Ayṯ-Salunik 2:10

Netƹic akiḏwem kenniw iy yumnen s yijjen n ṣṣfa ḏ yijjen n ubriḏ nican bȓa ȓƹib. Kenniw ḏ ȓechuḏ x manaya uȓa ḏ Arebbi.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

2 Timutawus 2:22

Fa arweȓ zi ccahawaṯ nni ṯiƹeffanin n ṯemẓi, ḏeffar ṣṣulḥ ḏ lʼiman ḏ ȓemḥibbeṯ ḏ ȓehna ak yinni iy d iȓaɣan x Siḏiṯneɣ s yijjen n wuȓ iṣfa.

2 Timutawus 3:3

war ḏaysen tiȓi ȓemḥibbeṯ, war semmḥen ca i yiwḏan, aḏ qqaren ȓbaṭeȓ, war ḥekkmen ca x yixef nsen, aḏ menɣen am ȓuḥuc, war tḥibbin ca min iǧan ḏ aṣebḥan,

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

1 Yuḥanna 3:14

Neccin nessen belli neẓwa zi ȓmewṯ ɣar ṯuḏarṯ ȓaḥeqqac ntexs ayṯmaṯneɣ. Wenni war itexsen ca ƹaḏ aqaṯ itƹic ḏi ȓmewṯ.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.