Titus 1:7 - Ṯarifiṯ 2020

⁷ Aqa arrayes n jmaƹeṯ itkellaf netta s lmesʼuliya zi Arebbi u labud aḏ yiȓi bȓa ȓƹib, war ḏayes itiȓi bu ttakebbur, war itƹeṣṣib ca ḏeɣya, war isekkar ca s ccreb, war icciṯ ca, war iḍemmeƹ ca ḏi tmenyaṯ.

Titus 1:7 ပူးပေါင်းရင်းမြစ်များ

Matta 24:45

Min iƹna uxeddam iy iǧan ḏ amiɣis, ḏayes ȓaman? Netta ḏ wenni ig itkellaf siḏes aḏasen yuc macca i ixeddamen nnes ḏi ȓweqṯ nican.

Luqa 12:42

Yarra xas Siḏiṯneɣ inna-as: "Iwa min iƹna uweqqaf nni iǧan ḏ amiɣis ḏayes ȓaman? Netta ḏ wenni ig itkellaf siḏes aḏasen yuc lmakla i ixeddamen nnes ḏi ȓweqṯ nican.

Ayṯ-Ufasus 5:18

War skareṯ ca s ccreb ig itawin ɣar lmadella n ssekra; Lla, ccarem s Arruḥ iqeddsen.

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

Titus 1:5

X manayenni jjiɣ-cek ḏi ṯeyzirṯ n Krit, aḏ tƹeḏȓeḏ min tuɣa rezzuɣ nec aḏ ƹeḏȓeɣ war uwiḍeɣ ca u ƹaweḏ bac aḏ tixḍareḏ imeqqranen n jmaƹeṯ n ȓmuminin ḏi mkuȓ abilaj am mammec iy c weṣṣiɣ.

Titus 2:3

Ṯinni imɣaren ƹaweḏ aḏ ƹiccent ƹlaḥsab lʼiman, war ḏaysent tiȓi bu nnamima, war tebliyint ca aṭṭas s binu. Aḏ sȓemḏent min iǧan ḏ aṣebḥan.

1 Buṭrus 4:10

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.

1 Buṭrus 5:2

Arewseṯ ṯḥimerṯ nni n Arebbi iy xef kenniw itkellaf netta. Ḥḍam-teṯ s ȓxaḍar nwem maci s yijjen n bezzez iy xawem teggen minzi ammu iy ixes Arebbi. Maci s ṭṭmaƹ n ȓefḍiḥeṯ, lla s wuȓawen nwem.

2 Buṭrus 2:10

Xaṣṣatan yinni igguren ḏeg ubriḏ n ccehweṯ ig isexnizen bnaḏem ḏ yinni itseḥqaren ssulṭa. Iṯarrasen-a ḏaysen zƹameṯ n ttakebbur, war teggwḏen ca aḏ inin awaȓen war iḥȓin x lmexluqaṯ n ujenna.