Titus 1:16 - Ṯarifiṯ 2020

¹⁶ Qqaren qa nessen Arebbi walakin nekkaren-ṯ s ȓefƹayeȓ nsen. Niṯni twaƹiffen, war tṭiƹin ca, war neffƹen ca uȓa ḏeg yijjen n ȓxeḏmeṯ ḏ ṯaṣebḥant.

Titus 1:16 ပူးပေါင်းရင်းမြစ်များ

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

1 Timutawus 1:9

Nessen Ccariƹa-ya ƹaweḏ war d ṯexȓiq ca i yinni isemṣȓaḥen ak Arebbi. Lla, ṯexȓeq-d i yinni iǧan ḏ iƹeffanen ḏ yinni iy ḏi ṯeǧa ṯɣennant ḏ yinni war iḏeffiren ca Arebbi ḏ yinni iƹeṣṣan ḏ yinni war iṣfin ca ḏ yinni war ɣar iǧi bu ddin ḏ yinni ineqqen babaṯsen ḏ yemmaṯsen ḏ yinni ineqqen iwḏan

1 Timutawus 5:8

Cuf, wenni war itḏebbiren x ȓeḥbab nnes xaṣṣatan x lƹaʼila nnes ataf netta inkar lʼiman, wenni war yuminen qaƹ ataf ḥsen zzayes.

2 Timutawus 3:17

Ḥima aryaz n Arebbi aḏ yiȓi iwjeḏ aḏ yaf iḏebbar-as s qaƹ ṯimesȓayin ƹlaḥsab kuȓ ȓxeḏmeṯ ḏ ṯaṣebḥant.

Titus 3:1

Sfekkar i ȓmuminin aḏ ggen array i ȓḥukkam ḏ ȓmexzen, aḏasen ṭaƹen aḏ iȓin wejḏen i kuȓ ȓxeḏmeṯ ḏ ṯaṣebḥant.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

1 Yuḥanna 2:4

Wenni iy ɣa inin qa nec ssneɣ-ṯ war itṭiƹi ca i ȓuṣiyaṯ nnes ataf netta ḏ bu-ixarriqen waha, ataf lḥaqiqa war ḏayes ṯzeddeɣ ca.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Lwaḥi 21:27

War ḏinni taḏef uȓa ḏ ijjen n ṯmesȓayṯ ṯwessex niɣ ḏ ikrucaren niɣ ḏ yinni iqqaren ixerriqen. Aḏ aḏfen ḏinni ɣir yinni ɣar ǧan isemawen nsen zemmmen ḏi Lkitab n Ṯuḏarṯ n Yizmar.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."