Ȓexḏayem 9:39 - Ṯarifiṯ 2020

³⁹ Ikkar Buṭrus iruḥ akiḏsen. Wami yuweḍ sgaƹƹḏen-ṯ ɣar ṯɣurfat nni. Nnḍent-as-d i netta marra ṯajjaȓin, trunt seḍharent-as ičammiren ḏ izeǧuba tuɣa ṯxeyyeḍ Ṭabita wami tuɣa ṯeǧa akiḏsent.

Ȓexḏayem 9:39 ပူးပေါင်းရင်းမြစ်များ

Matta 17:17

Indeq-d Ƹisa inna-asen: "A iwḏan n ȓweqṯ-a iy ḏi war iǧi bu lʼiman, a yinni iffɣen abriḏ! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id ḏa."

Matta 26:11

Imesƹan aqaṯen akiḏwem i ȓebda, nec war kiḏwem tɣimiɣ ca i ȓebda.

Marqus 14:8

Ṯegga min xas. Ṯferreɣ-ayi aman-a n lwarḏ x ddat inu ḥima aḏayi ṯsewjeḏ i ṯenḍeȓṯ inu.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Yuḥanna 12:8

Imesƹan aqaṯen akiḏwem ȓebda, nec war kiḏwem tɣimiɣ ca i ȓebda."

Yuḥanna 17:12

Wami kiḏsen ǧiɣ, ḥefḍeɣ xasen s yisem nnec iy ḏayi ṯuciḏ. Ḥḍiɣ-ṯen, uȓa ḏ ijjen ma iweddar ɣir wenni tuɣa iweddaren ḥima aḏ ikemmeȓ min iqqar Lkitab.

Ȓexḏayem 1:13

Wami uwḍen, gaƹƹḏen ɣar ṯɣurfat mani tiȓin: Buṭrus ḏ Yuḥanna ḏ Yaƹqub ḏ Andrus, ḏ Filippas ḏ Tuma ḏ Bartulumay ḏ Matta, ḏ Yaƹqub mmis n Ḥalfa ḏ Simƹan Lmunaḍil, ḏ Yahuḏa mmis n Yaƹqub.

Ȓexḏayem 20:35

S marra manaya smeḍhareɣ-awem-d mammec itxeṣṣa-yaneɣ a nexḏem mliḥ bac a nƹawen yinni iḥḏajen. A nfekkar ḏeg wawaȓ n Siḏiṯneɣ Ƹisa iy inna: Ssaƹḏ n wenni iticcen ktar zeg wenni iqebbȓen."

Ȓexḏayem 6:1

Ḏeg wussan nni lƹadad n imeḥḍaren imarni. Ȓmuminin iy ssawaȓen s lluɣa ṯayunaniṯ tceṯcan zeg yinni issawaȓen lƹibriya, qqaren qa neccin ṯajjaȓin nneɣ war ḏasent ticcen bu ȓḥaqq nsent xmi ferrqen lmuƹawana mkuȓ nhar.

Ȓexḏayem 8:2

Can n iryazen iy teggwḏen Arebbi neḍȓen Stifan ḥeznen xas aṭṭas.

Ȓexḏayem 9:41

Isiɣ-as fus nnes, isekkar-it-id. Iȓaɣa-d i ȓmuminin ṣṣaliḥin ḏ ṯajjaȓin inna-asen aqa ṯeddar.

2 Ayṯ-Kurinṯ 8:12

Liʼanna bnaḏem meȓa s ȓxaḍar nnes, min ɣa iṣeddeq aḏ itwaqbeȓ. Walakin ƹlaḥsab min ɣares ḏ agȓa maci ƹlaḥsab min war ɣares.

Ayṯ-Ufasus 4:28

Wenni ig itacaren labud aḏ ibeƹƹeḏ zi ṯukkarḏa nni, aḏ ixḏem ijjen n ȓxeḏmeṯ ḏ ṯaṣebḥant s ifassen nnes bac aḏ iƹawen zzayes wenni iteḥḏajen.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

1 Ayṯ-Salunik 4:13

Fa ay ayṯma, war nexs ca aḏ tqefȓem i yixef nwem ƹlaḥsab yinni iṭṭṣen ḏeg imeḍȓan bac war txeyyiqem ca am yinni nneɣni war ḏi iǧi bu lʼamal.

1 Timutawus 5:3

Weqqar ṯajjaȓin ig iǧan ḏ ṯajjaȓin ḏ ṣṣaḥ.

1 Timutawus 5:5

Qa ṯajjaȓṯ n ṣṣaḥ ṯenni war ɣar iǧi ḥadd aqa ḏ nettaṯ iteggen lʼamal nnes ḏi Arebbi tɣima tedƹa Arebbi tettar-as ǧiȓeṯ ḏ nhar.

1 Yuḥanna 3:18

A iḥenjiren, maci a ntexs bnaḏem s wawaȓen ḏ yiȓes waha; Lla, itxeṣṣa aṯ nexs s ȓexḏayem ḏ ȓḥaqq.