Ȓexḏayem 9:27 - Ṯarifiṯ 2020

²⁷ Barnaba ikkar ikellef zzayes yuwi-ṯ ɣar arrusul. Iƹaweḏ-asen xas mammec ḏas d imeḍhar Siḏiṯneɣ i Cawul ḏeg ubriḏ nni ḏ mammec iy kis issiweȓ ḏ mammec itḥeddaṯ s zƹameṯ ƹlaḥsab isem n Ƹisa ḏi Dimaceq.

Ȓexḏayem 9:27 ပူးပေါင်းရင်းမြစ်များ

Ȓexḏayem 11:22

Yuweḍ ȓexbar-a ɣar jmaƹeṯ n ȓmuminin ḏi Lquds, kkaren ssekken Barnaba ɣar Wanṭakya.

Ȓexḏayem 11:25

Iruḥ Barnaba ɣar ṯendint n Ṭarsus irezzu x Cawul.

Ȓexḏayem 12:25

Barnaba ḏ Cawul ḏewȓen-d zi Lquds wami kemmȓen ȓxeḏmeṯ nsen, uwin-d akiḏsen Yuḥanna umi qqaren Marqus.

Ȓexḏayem 13:2

Wami ƹebbḏen Siḏi Arebbi tẓumman, inna-asen Arruḥ iqeddsen: Ḥuzem-ayi-d Barnaba ḏ Cawul i ȓxeḏmeṯ nni umi ṯen ixḍareɣ.

Ȓexḏayem 15:2

Iruḥ Bulus ḏ Barnaba temnaqaren ak yinni iy d yusin zi Yahuḏiya, iwqeƹ jarasen ijjen n lxilaf ḏ ameqqran. Kkaren jmaƹeṯ nni n ȓmuminin ḏeg Wanṭakya ixḍaren Bulus ḏ Barnaba bac aṯen ssekken ak ȓebƹaḍ n ȓmuminin nsen ɣar ṯendint n Lquds bac aḏ sseqsan arrusul ḏ imeqqranen n jmaƹeṯ n ȓmuminin x lxilaf-a ig iweqƹen. Wami ssekken Bulus ḏ Barnaba ɣar Lquds x ubriḏ nsen ƹḏun x Finiqya ḏ Samarya. Xebbaren ayṯmaṯneɣ iǧan ḏinni x mammec ig umnen uȓa ḏ yinni war iǧin ca zi Ayṯ-Israʼil. Ȓexbar nni isfareḥ-iṯen aṭṭas marra.

Ȓexḏayem 4:13

Xzaren lḥukkam nni ḏi zƹameṯ n Buṭrus ḏ Yuḥanna ufin-ṯen war ɣrin ca niṯni ḏ iwḏan ƹadi. Qqimen tƹejjben, ƹeqȓen-ṯen tuɣaṯen ak Ƹisa.

Ȓexḏayem 4:29

A Siḏi, ȓexxu xzar mammec ḏaneɣ theddaḏen, uc-aneɣ i neccin lƹibad nnec a nessiweȓ s wawaȓ nnec s zƹameṯ.

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

Ȓexḏayem 9:17

Iruḥ Anas yuḏef ṯaddarṯ nni isers ifassen nnes x Cawul inna-as: "Ay uma Cawul, nec qa issekk-ayi-d Siḏiṯneɣ Ƹisa, wenni iy ḏac d imeḍharen ḏeg ubriḏ nni iy d ṯuwiḏ. Issekk-ayi-d ɣarek ḥima aḏ tḏewȓeḏ twaȓiḏ aḏ teccareḏ s Arruḥ iqeddsen."

Ȓexḏayem 9:29

Issawaȓ ak israʼiliyen yinni issawaȓen s lluɣa ṯayunaniṯ itemnaqar akiḏsen, ssenni niṯni rezzun aṯ nɣen.

1 Ayṯ-Kurinṯ 15:8

Ɣar uneggaru qaƹ imeḍhar-ayi-d i nec, axmi nec ƹeḍȓeɣ war d xȓiqeɣ ca ḏi zman inu nican.

1 Ayṯ-Kurinṯ 9:6

Ma nec ḏ Barnaba waheḏneɣ iy war ɣar iǧi ȓḥaqq ḏi ccarḍ, ma itxeṣṣa-yaneɣ i neccin a nexḏem ḏi can ȓḥajeṯ nneɣni bac a nƹic?

Ayṯ-Galaṭya 2:13

Ȓexddenni ḏfaren-ṯ ḏi nnifaq nnes israʼiliyen nneɣni iy yumnen. Uȓa ḏ Barnaba s yixef nnes sbeƹƹḏen-ṯ zeg ubriḏ nican ḏi nnifaq-a nsen.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.