Ȓexḏayem 8:1 - Ṯarifiṯ 2020

¹ Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Ȓexḏayem 8:1 ပူးပေါင်းရင်းမြစ်များ

Matta 22:6

Inneɣni ṭṭfen ixeddamen n uzeǧiḏ ƹedden xasen nɣin-ṯen.

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

Matta 5:13

Ḏ kenniw iy iǧan ḏ ȓemȓeḥ ṯaṣebḥant n ṯmurṯ. Walakin meȓa iruḥ-as lmaḏaq nnes, mamc ḏas ɣa negg aḏas ṯiḏ narr? Ataf war ṯṣeǧaḥ i walu, ɣir at nḍaren ɣar barra waha axas ƹeffsen yiwḏan.

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 13:1

Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

Ȓexḏayem 13:36

Liʼanna Dawed ḏi zman nnes wami ikemmeȓ min ixes Arebbi ṣafi immuṯ, itwanḍeȓ ṭṭarf i ȓejḏuḏ nnes ṣafi ikiccew.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ȓexḏayem 22:20

Ḥḍareɣ nec wami sizzȓen iḏammen n Stifan wenni xak icehhḏen. Wafqeɣ x ȓmewṯ nnes, ḥḍiɣ-asen uȓa ḏ arruḍ n yinni iy ṯ inɣin.

Ȓexḏayem 26:10

Amenni iy ggiɣ ḏi ṯendint n Lquds. S arruxṣa n arruyas n ȓfuqaha tḥebbaseɣ aṭṭas n ȓmuminin ṣṣaliḥin. Xmi xasen taḥkamen s ȓmewṯ, nec tafaqeɣ x manayenni.

Ȓexḏayem 5:18

Ṭṭfen-ṯen ggin-ṯen ḏi ȓeḥbes.

Ȓexḏayem 5:20

"Ruḥem beddeṯ ḏi ṯemziḏa ṯameqqrant, ḥeddṯem i yiwḏan s marra awaȓen n ṯuḏarṯ-a n jḏiḏ."

Ȓexḏayem 5:33

Wami sȓin i wawaȓ-a xeyyqen ɣeḍben rezzun aṯen nɣen.

Ȓexḏayem 5:40

Sȓin yiwḏan nni ɣar Gamlil. Uwin-d arrusul ƹannen-asen aƹmuḏ nnan-asen: "Qa ƹemmarṣ aḏ tƹawḏem aḏ tessiwȓem ƹlaḥsab isem n Ƹisa." Ȓexddenni ḍeȓqen-asen.

Ȓexḏayem 7:38

Ḏ netta Musa iy igguren ak jmaƹeṯ n Ayṯ-Israʼil ig imunen ḏi ṣṣaḥra. Ḏ netta mikeḏ ṯessiweȓ lmalaʼika x uḏrar n Sina ḏ ȓejḏuḏ nneɣ. Ḏ netta iy xef d hwan wawaȓen iddaren ḥima aḏaneɣ ṯen yuc.

Ȓexḏayem 7:54

Wami sȓin Jmaƹeṯ nni n lḥukkam n Ayṯ-Israʼil awaȓ n Stifan, xeyyqen ɣeḍben, tɣeẓẓaẓen ɣares ṯiɣmas.

Ȓexḏayem 7:58

Sufɣen-ṯ barra i ṯendint bḏan rejjmen-ṯ s uzru. Sersen izeǧuba nsen ɣar iḍaren n yijjen n ccab qqaren-as Cawul.

Ȓexḏayem 8:14

Wami d arrin ȓexbar arrusul ḏi Lquds qa Ayṯ-Samarya qebȓen awaȓ n Arebbi, kkaren ssekken ɣarsen Buṭrus ḏ Yuḥanna.

Ȓexḏayem 8:2

Can n iryazen iy teggwḏen Arebbi neḍȓen Stifan ḥeznen xas aṭṭas.

Ȓexḏayem 8:4

Ȓmuminin nni imesfraqen traḥen zeg umcan ɣar umcan tbeccaren s wawaȓ n Arebbi.

Ȓexḏayem 8:5

Filippas iruḥ ɣar ṯendint n Samarya, itḥeddaṯ i imezḏaɣ nnes s Lmasiḥ.

Ȓexḏayem 9:31

Ḏi ȓweqṯ nni jmaƹeṯ n ȓmuminin ḏi marra jwayeh n Yahuḏiya ḏ Ljalil ḏ Samarya hnan. Twajehḏen, teggwḏen zi Siḏi Arebbi, twacejjaƹen s Arruḥ iqeddsen, tmarnin ḏi lƹadad.

Ayṯ-Ruma 1:32

Waxxa ssnen Arebbi iḥekkem xasen s ȓmewṯ x yinni iteggen ṯimesȓayin-a, niṯni kkaren teggen-ṯent. Ktar zi manaya, reṭṭan x yinni iy ṯent iteggen.

Ayṯ-Filippas 1:12

Ay ayṯma rezzuɣ aḏ tessnem min ḏayi iweqƹen, manayenni ḏ ṣṣaḥ ixeddem i Lʼinjil bac aḏ itentacar.

Iƹibraniyen 11:27

S lʼiman ikkar Musa iffeɣ zi Miṣra, war iggwiḏ ca zeg uɣḍab n uzeǧiḏ nni. Iṭṭef ḏi lʼiman nnes am yijjen itwaȓan Arebbi netta war izemmar aṯ iẓer ḥadd.