Ȓexḏayem 7:58 - Ṯarifiṯ 2020

⁵⁸ Sufɣen-ṯ barra i ṯendint bḏan rejjmen-ṯ s uzru. Sersen izeǧuba nsen ɣar iḍaren n yijjen n ccab qqaren-as Cawul.

Ȓexḏayem 7:58 ပူးပေါင်းရင်းမြစ်များ

Luqa 4:29

Kkaren sufɣen-ṯ ɣar barra n ṯendint. Uwin-ṯ ɣar jjarf n uḏrar mani ṯebna ṯendint nsen bac aṯ seyyben x jjarf nni.

Ȓexḏayem 22:20

Ḥḍareɣ nec wami sizzȓen iḏammen n Stifan wenni xak icehhḏen. Wafqeɣ x ȓmewṯ nnes, ḥḍiɣ-asen uȓa ḏ arruḍ n yinni iy ṯ inɣin.

Ȓexḏayem 22:23

Snekkaren ṯɣuyyeṯ, neṭṭaren izeǧuba nsen, zzuzzaren ṯaƹejjact ɣar ujenna.

Ȓexḏayem 22:4

Nec tuɣa tƹeddabeɣ yinni iḏfaren abriḏ-a ḥetta wami mmuṯen. Ṭṭfeɣ iryazen ḏ ṯemɣarin ggiɣ-ṯen ḏi ȓeḥbes.

Ȓexḏayem 26:10

Amenni iy ggiɣ ḏi ṯendint n Lquds. S arruxṣa n arruyas n ȓfuqaha tḥebbaseɣ aṭṭas n ȓmuminin ṣṣaliḥin. Xmi xasen taḥkamen s ȓmewṯ, nec tafaqeɣ x manayenni.

Ȓexḏayem 6:11

Kkaren ucin arrecweṯ i can iryazen bac aḏ inin qa neccin nesȓa i Stifan netta iqqar awaȓ war iḥȓin x Musa ḏ Arebbi!

Ȓexḏayem 6:13

Uwin-d iwḏan axas cehḏen ẓẓur qqaren "Qa bnaḏem-a iqqar awaȓ war iḥȓin x umcan-a amqeddes ḏ Ccariƹa n Musa!

Ȓexḏayem 7:57

Snekkaren ṯɣuyyeṯ s jjheḏ bellƹen x imejjan nsen, hejmen xas marra iḏsen.

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.