Ȓexḏayem 7:56 - Ṯarifiṯ 2020

⁵⁶ Inna: "Aqa twaȓiɣ ajenna inurzem ḏ Mmis n bnaḏem ibedd x ufusi n Arebbi."

Ȓexḏayem 7:56 ပူးပေါင်းရင်းမြစ်များ

Matta 25:31

Xmi d ɣa yas Mmis n bnaḏem s lƹaḍama nnes, akiḏes marra lmalaʼikaṯ, aḏ iqqim x lƹarc nnes n lƹaḍama.

Matta 3:16

Wami itwaṭehhar Ƹisa iffeɣ-d ȓexddenni zeg waman nni. Aqa inurzem-as-d ujenna iẓra Arruḥ n Arebbi ihewwa-d igga am yijjen n ṯeḏbirṯ ṯmars-d xas.

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Marqus 1:10

Wami d yuȓi zeg waman, ȓexddenni iẓra ajenna inurzem, ḏ Arruḥ n Arebbi ihewwa-d xas igga am yijjen n ṯeḏbirṯ.

Luqa 3:21

Wami marra ccaƹb ittwaṭehhar s waman, yusa-d uȓa ḏ Ƹisa itwaṭehhar s waman. Netta wami itẓaǧa, ṯnurzem ṯewwarṯ ḏeg ujenna

Yuḥanna 1:51

Aqa tesȓam ȓḥaqq: Aḏ teẓrem ajenna innurzem, lmalaʼikaṯ n Arebbi taȓint hewwant-id x Mmis n bnaḏem."

Ȓexḏayem 10:11

Iẓra ajenna inurzem shewwan-d zzayes ɣar ṯmurṯ ijjen n ȓḥajeṯ ṯegga am ṯcuqqet ḏ ṯameqqrant twacedd zi ṯɣemmura nnes s arbeƹa.

Ȓexḏayem 10:16

Iwqeƹ manaya ṯȓaṯa n ṯwaȓaṯin, ssenni ṯnejmeƹ ṯcuqqet nni ṯeḏweȓ ɣar ujenna.

Ȓexḏayem 7:57

Snekkaren ṯɣuyyeṯ s jjheḏ bellƹen x imejjan nsen, hejmen xas marra iḏsen.

Lwaḥi 11:19

Ṯnurzem ṯemziḏa ṯameqqrant n Arebbi ḏeg ujenna, imeḍhar-d tabut n ȓƹaheḏ n Arebbi ḏi ṯemziḏa nni. Iwqeƹ wassam ḏ iɣuyan ḏ wajjaj ḏ zzinzal ḏ icarra aṭṭas.

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.

Lwaḥi 4:1

Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."