Ȓexḏayem 6:1 - Ṯarifiṯ 2020

¹ Ḏeg wussan nni lƹadad n imeḥḍaren imarni. Ȓmuminin iy ssawaȓen s lluɣa ṯayunaniṯ tceṯcan zeg yinni issawaȓen lƹibriya, qqaren qa neccin ṯajjaȓin nneɣ war ḏasent ticcen bu ȓḥaqq nsent xmi ferrqen lmuƹawana mkuȓ nhar.

Ȓexḏayem 6:1 ပူးပေါင်းရင်းမြစ်များ

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Ȓexḏayem 11:20

Walakin ȓebƹaḍ n iryazen zi Qubruṣ ḏ Lqurina usin-d ɣar Wanṭakya bḏan ssawaȓen ak iyunaniyen tbeccaren-ṯen s Siḏiṯneɣ Ƹisa.

Ȓexḏayem 11:26

Wami ṯ yufa yuwi-ṯ-iḏ akiḏes ɣar ṯendint-a n Wanṭakya. Seƹḏun ƹam ikmaȓ ak jmaƹeṯ n ȓmuminin, seȓmaḏen aṭṭas n yiwḏan. Ḏanita ḏi Wanṭakya-ya iy twasemman imeḥḍaren ṯwaȓa ṯamezwarut s

Ȓexḏayem 11:29

Kkaren imeḥḍaren tafqen jarasen kuȓ ijjen zzaysen aḏ ssekken cwayt n lmuƹawana ƹlaḥsab ṯizemmar nsen ɣar ayṯmaṯsen ig izeddɣen ḏi Yahuḏiya.

Ȓexḏayem 2:41

Ssenni yinni iqebȓen awaȓ nnes ruḥen twaṭehharen s waman. Nhar nni marnin can ṯeȓtaȓaf iḏsen ɣar ȓmuminin.

Ȓexḏayem 2:45

Znuzan agȓa nsen ḏ ȓeḥwayej nsen, ferrqen x mkuȓ ijjen min iḥḏaj.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ȓexḏayem 4:35

srusan-ṯent ɣar iḍaren n arrusul tferraqen-ṯent ƹlaḥsab mkuȓ ijjen min iḥḏaj.

Ȓexḏayem 4:4

Aṭṭas n yiwḏan iy isȓin i wawaȓ nsen umnen. Iryazen nni iy yumnen ȓexxu uwḍen ɣar yijjen xemsaȓaf iḏsen.

Ȓexḏayem 5:14

Marnin-d aṭṭas n yiwḏan iy yumnen zi Siḏiṯneɣ, zzaysen ijjen n lƹadad n iryazen uȓa ḏ ṯemɣarin.

Ȓexḏayem 5:28

"Neccin numar-ikenniw war ṯseȓmaḏem ca ƹlaḥsab isem nni n Ƹisa. Walakin kenniw ṯƹemmarem Lquds s ttaƹlim nwem. Ṯexsem aḏ teggem ȓmewṯ n uryaz-a x yiri nneɣ."

Ȓexḏayem 6:2

Kkaren ṯenƹac nni n arrusul smunen marra imeḥḍaren nnan-asen: "Neccin arrusul maci maƹqul a nesmeḥ ḏeg wawaȓ n Arebbi bac a nefreq lmuƹawana.

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Ȓexḏayem 9:29

Issawaȓ ak israʼiliyen yinni issawaȓen s lluɣa ṯayunaniṯ itemnaqar akiḏsen, ssenni niṯni rezzun aṯ nɣen.

Ȓexḏayem 9:39

Ikkar Buṭrus iruḥ akiḏsen. Wami yuweḍ sgaƹƹḏen-ṯ ɣar ṯɣurfat nni. Nnḍent-as-d i netta marra ṯajjaȓin, trunt seḍharent-as ičammiren ḏ izeǧuba tuɣa ṯxeyyeḍ Ṭabita wami tuɣa ṯeǧa akiḏsent.

Ȓexḏayem 9:41

Isiɣ-as fus nnes, isekkar-it-id. Iȓaɣa-d i ȓmuminin ṣṣaliḥin ḏ ṯajjaȓin inna-asen aqa ṯeddar.

Ayṯ-Ruma 12:7

Ijjen meȓa itsexxar, u labud aḏ isexxar. Ijjen meȓa iseȓmaḏ, u labud aḏ iseȓmeḏ.

1 Ayṯ-Kurinṯ 10:10

Itxeṣṣa war netceṯca ca mammec ggin ȓebƹaḍ zzaysen wami xasen iqḍa Ƹazȓayen.

2 Ayṯ-Kurinṯ 11:22

Meȓa niṯni ḏ iƹibraniyen, uȓa ḏ nec ḏ aƹibrani. Meȓa niṯni zi Ayṯ-Israʼil, uȓa ḏ nec ḏ aʼisraʼili. Meȓa niṯni usin-d zi ṯarwa n Brahim, uȓa ḏ nec usiɣ-d zi ṯarwa n Brahim.

Ayṯ-Filippas 3:5

Mayemmi? Nec ṭehhareɣ nhar wis ṯmeniyyam. Lʼaṣel inu zi Ayṯ-Israʼil zi Ayṯ-Benyamin. Nec ḏ aƹibrani mmis n iƹibraniyen. Ƹlaḥsab ccariƹa, nec zi ȓḥizeb nni n ifarrisiyen.

1 Timutawus 5:3

Weqqar ṯajjaȓin ig iǧan ḏ ṯajjaȓin ḏ ṣṣaḥ.

1 Timutawus 5:9

War tejja uȓa ḏ icten aḏ tsejjel ak ṯajjaȓin ɣar lmuƹawana illa meȓa ɣares zi settin iseggwusa aȓ ṯsawent, illa meȓa tuɣa ɣares ijjen n uryaz waha.

Iƹibraniyen 13:1

Qqimeṯ tḥibbaṯ ayawya am wawmaṯen.

Yaƹqub 1:27

Ddin iṣfan iy inqan ɣar Arebbi Babaṯneɣ min iƹna? Iƹni bnaḏem itraḥ ɣar yujiȓen ḏ ṯajjaȓin aṯen iƹawen ḏeg uzeyyar nsen, aḏ iḥḍa ixef nnes ḥima war ṯ twessix ca ddunect-a.

Yaƹqub 4:5

Awaȓ n Lkitab iqqar: Ma tɣiȓ-awem awaȓ nni war ɣares bu ȓmaƹna?

Yaƹqub 5:9

Ay ayṯma, war ssawaȓeṯ ca ḏeg wayawya ḥima war twaƹiqibem ca; qa wenni iteḥkamen ibedd-d ɣar ṯewwarṯ.