Ȓexḏayem 5:40 - Ṯarifiṯ 2020

⁴⁰ Sȓin yiwḏan nni ɣar Gamlil. Uwin-d arrusul ƹannen-asen aƹmuḏ nnan-asen: "Qa ƹemmarṣ aḏ tƹawḏem aḏ tessiwȓem ƹlaḥsab isem n Ƹisa." Ȓexddenni ḍeȓqen-asen.

Ȓexḏayem 5:40 ပူးပေါင်းရင်းမြစ်များ

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Matta 20:19

aṯ sellmen i yinni war iǧin ca zi Ayṯ-Israʼil. Axas ḍeḥcen, aṯ uwṯen s usɣun, aṯ ṣellben. Nhar wis ṯeȓtiyyam aḏ d itwasnekkar zi ȓmewṯ."

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

Marqus 13:9

Ḥḍam ixef nwem! Akenniw sellmen i lmaḥkamaṯ, akenniw uwṯen ḏi ṯemziḏawin nsen. Aḏ tbeddem zzaṯ i lḥukkam ḏ izeǧiḏen ƹlaḥsab isem inu ḥima axafi ṯcehḏem.

Luqa 20:10

Wami d yuweḍ ȓweqṯ n uȓqeḍ n uḍiȓ, ikkar issekk ijjen n uxeddam nnes ɣar ixemmasen nni bac aḏas d ucen ȓḥaqq nnes n umarjeƹ n uḍiȓ. Walakin min ggin ixemmasen nni? Uwṯin-ṯ, ssekken-ṯ-id ixwa.

Ȓexḏayem 5:28

"Neccin numar-ikenniw war ṯseȓmaḏem ca ƹlaḥsab isem nni n Ƹisa. Walakin kenniw ṯƹemmarem Lquds s ttaƹlim nwem. Ṯexsem aḏ teggem ȓmewṯ n uryaz-a x yiri nneɣ."

2 Ayṯ-Kurinṯ 11:24

Xemsa n ṯwaȓaṯin ccaṯen-ayi israʼiliyen s arbeƹin n ṯyiṯa qell icten s usɣun.