Ȓexḏayem 5:36 - Ṯarifiṯ 2020

³⁶ Qbeȓ i wussan-a, ikkar-d ijjen n uryaz qqaren-as Aṯuddas. Yarra ixef nnes ḏ ameqqran, ḏfaren-ṯ can arbeƹa miyya n iryazen. Walakin nɣin-ṯ, marra yinni iy ṯ iḏfaren msefraqen ḏewȓen ḏ walu.

Ȓexḏayem 5:36 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 24:26

Meȓa nnan-awem: Xzarem, aqaṯ ḏi ȓexȓa! War traḥem ca ḏinni. Niɣ meȓa nnan-awem: Xzarem, aqaṯ ɣar ḏaxeȓ ḏeg ixammen! War ṯen tamnem ca.

Matta 24:5

Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Aḏ xeḏƹen aṭṭas n yiwḏan.

Ȓexḏayem 21:38

Ma war ṯeǧiḏ ca cek ḏ amiṣri nni iy iggin lfitna ḏi ȓiyyam nni wami ṯsuyureḏ arbeƹaȓaf n lʼirhabiyen ɣar ȓexȓa?"

Ȓexḏayem 5:35

Inna-asen: "Ay iryazen n Ayṯ-Israʼil, ḥḍam ixef nwem zi min ṯexsem aḏ teggem i yiwḏan-a!

Ȓexḏayem 8:9

Ḏinni ḏi ṯendint nni ijjen n useḥḥar qqaren-as Simƹan mecḥaȓ zeg wami isxeddam ssḥur. Iseḏhac marra iwḏan n Ayṯ-Samarya, yarra ixef nnes ḏ ameqqran.

Ayṯ-Galaṭya 2:6

Amma yinni tɣir-awem ḏ imeqqranen xawem, niṯni war arnin uȓa ḏ ijjen n wawaȓ zi min beccareɣ nec. Qqareɣ manaya, min ma ƹnan yina ɣari kif-kif, iƹni Arebbi war itegg bu s wuḏemawen jaraneɣ.

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

2 Buṭrus 2:2

Aṭṭas iy ɣa iqellden ȓeqbaḥeṯ nsen. X ssabab-a wanitan iwḏan aḏ zebbȓen ḏeg ubriḏ n lḥaqiqa.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.

Lwaḥi 17:3

Lmalak nni iysi-ayi arruḥ ɣar ȓexȓa, ẓriɣ ijjen n ṯemɣarṯ ṯenya x yijjen n ȓwaḥc ḏ azeggwaɣ iḥeḏqen iƹemmar s yisemawen war iḥȓin x Arebbi. Ɣares sebƹa n iqeyyuƹen ḏ ƹecra n waccawen.

Lwaḥi 17:5

X ṯenyarṯ nnes yura ḏinni ijjen n yisem: Babil Ṯameqqrant, ḏ yemmaṯsent n lfasdaṯ ḏ ṯuƹuffna n ṯmurṯ. Walakin ȓmaƹna nnes war ṯ ifehhem ḥadd.