Ȓexḏayem 5:27 - Ṯarifiṯ 2020

²⁷ Wami d siḏfen arrusul, sbedden-ṯen zzaṯ i Jmaƹeṯ n lḥukkam n Ayṯ-Israʼil. Inna-asen arrayes n ȓfuqaha:

Ȓexḏayem 5:27 ပူးပေါင်းရင်းမြစ်များ

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Luqa 22:66

Wami iṣbeḥ ȓḥaȓ munen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa, uwin Ƹisa ɣar Jmaƹṯ n lḥukkam nsen.

Ȓexḏayem 22:30

Ṯiwecca nnes, irezzu arrayes nni n ȓƹaskar aḏ issen mayemmi Ayṯ-Israʼil tahamen Bulus, iruḥ yumar arruyas n ȓfuqaha ḏ marra Jmaƹeṯ n lḥukkam n Ayṯ-Israʼil aḏ munen. Ȓexddenni isufeɣ-d Bulus yuwi-ṯ-iḏ ɣarsen isbedd-iṯ zzaṯsen.

Ȓexḏayem 4:7

Uwin-d Buṭrus ḏ Yuḥanna sbedden-ṯen ḏi ȓwesṭ nsen nnan-asen: "Man jjheḏ niɣ ḏ yisem iy zi teggem manaya?"

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.

Ȓexḏayem 5:34

Ikkar-d ijjen n ufarrisi, netta ḏ amseȓmaḏ n ccariƹa qqaren-as Gamlil iteḥtaram-iṯ ccaƹb marra. Ibedd ḏi ȓwesṭ n Jmaƹeṯ n lḥukkam n Ayṯ-Israʼil, ittar-asen aḏ sufɣen arrusul cwayt n ȓweqṯ ɣar barra.

Ȓexḏayem 6:12

Wami sƹeṣṣben iwḏan uȓa ḏ imeqqranen n Ayṯ-Israʼil ḏ imseȓmaḏen n ccariƹa, ṭṭfen Stifan uwin-ṯ ɣar Jmaƹeṯ n lḥukkam n Ayṯ-Israʼil.