Ȓexḏayem 5:21 - Ṯarifiṯ 2020

²¹ Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.

Ȓexḏayem 5:21 ပူးပေါင်းရင်းမြစ်များ

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Luqa 22:66

Wami iṣbeḥ ȓḥaȓ munen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa, uwin Ƹisa ɣar Jmaƹṯ n lḥukkam nsen.

Yuḥanna 18:35

Inna-as Bilaṭus: "Ma nec ḏ aʼisraʼili? Lʼumma nnec ḏ arruyas n ȓfuqaha iy c d yuwin ɣari, min ṯeggiḏ?"

Yuḥanna 8:2

Ak ṣbaḥ zic iḏweȓ-d ƹaweḏ ɣar ṯemziḏa ṯameqqrant n Ayṯ-Israʼil. Usin-d ɣares ȓɣaci marra, iqqim iseȓmaḏ-iṯen.

Ȓexḏayem 22:15

Cek axas ṯiȓiḏ ḏ ccaheḏ ɣar marra iwḏan ƹlaḥsab min ṯeẓriḏ ḏ min ṯesȓiḏ.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 5:17

Ikkar arrayes n ȓfuqaha ḏ marra yinni kis iǧan niṯni zi ȓḥizeb n iṣadduqiyen, ḥesḏen arrusul aṭṭas.

Ȓexḏayem 5:27

Wami d siḏfen arrusul, sbedden-ṯen zzaṯ i Jmaƹeṯ n lḥukkam n Ayṯ-Israʼil. Inna-asen arrayes n ȓfuqaha:

Ȓexḏayem 5:34

Ikkar-d ijjen n ufarrisi, netta ḏ amseȓmaḏ n ccariƹa qqaren-as Gamlil iteḥtaram-iṯ ccaƹb marra. Ibedd ḏi ȓwesṭ n Jmaƹeṯ n lḥukkam n Ayṯ-Israʼil, ittar-asen aḏ sufɣen arrusul cwayt n ȓweqṯ ɣar barra.

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.