Ȓexḏayem 5:20 - Ṯarifiṯ 2020

²⁰ "Ruḥem beddeṯ ḏi ṯemziḏa ṯameqqrant, ḥeddṯem i yiwḏan s marra awaȓen n ṯuḏarṯ-a n jḏiḏ."

Ȓexḏayem 5:20 ပူးပေါင်းရင်းမြစ်များ

Matta 10:27

Min ḏawem qqareɣ ḏi ṯaǧest, ƹawḏem-as ḏi ṯfawṯ n nhar. Min tesȓam s ȓḥess, ƹeyyḍeṯ zzayes x ṯzeqqa.

Matta 21:23

Yuḏef Ƹisa ḏi ṯemziḏa ṯameqqrant iseȓmaḏ ḏinni. Qarrben-d ɣares arruyas n ȓfuqaha ḏ imeqqranen zi Ayṯ-Israʼil nnan-as: "Cek manis ḏac d ṯekka ssulṭa nni iy zi teggeḏ ṯimesȓayin-a? Wi ḏac yucin ssulṭa nni?"

Yuḥanna 12:50

Ssneɣ ȓuṣiyeṯ nnes nettaṯ ḏ ṯuḏarṯ n ȓebda. Min ssawaȓeɣ nec, ssawaȓeɣ-ṯ ƹlaḥsab mammec iy ḏayi inna Baba."

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Yuḥanna 17:8

Minzi nec ssiwḍeɣ-asen awaȓ iy ḏayi ṯuciḏ, niṯni qebȓen-ṯ. Ssnen ḏ ṣṣaḥ belli nec zi ɣarek iy d usiɣ, umnen ƹaweḏ belli ḏ cek iy ḏayi d issekken.

Yuḥanna 18:20

Inna-as Ƹisa: "Tbeccareɣ zzaṯ i yiwḏan, seȓmaḏeɣ-ṯen ȓebda ḏi ṯemziḏawin uȓa ḏi ṯemziḏa ṯameqqrant mani tmunen israʼiliyen marra. War ssiwiȓeɣ walu s ṯnufra.

Yuḥanna 6:63

Arruḥ n Arebbi ḏ netta iseddaren. Min iǧan ḏ bnaḏem war ineffeƹ i walu. Awaȓen iy ḏawem nniɣ, ḏaysen arruḥ ḏ ṯuḏarṯ.

Yuḥanna 6:68

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

Ȓexḏayem 11:14

Aḏac yini awaȓen iy zi ɣa ṯnejmeḏ cek ḏ marra ayṯbab n ṯeddarṯ nnec.

Ȓexḏayem 13:26

Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.