18 Ṭṭfen-ṯen ggin-ṯen ḏi ȓeḥbes.
Wami isȓa Ƹisa belli Yaḥya aqa itwaḥebbes, iƹqeb ɣar Naṣira ɣar ṯmurṯ n Ljalil.
Qbeȓ i marra manaya akenniw ṭṭfen, akenniw ƹeddben, akenniw sellmen i ṯemziḏawin nsen. Akenniw ḥebsen, akenniw jarren ɣar izeǧiḏen ḏ lḥukkam ƹlaḥsab isem inu.
Kkaren ṭṭfen Buṭrus ḏ Yuḥanna siḏfen-ṯen ḏi ȓeḥbes jjin-ṯen ḏinni aȓ ṯiwecca minzi iƹḏu ȓḥaȓ.
Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.
Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.
Ȓebƹaḍ n yiwḏan ḥeggaren-ṯen, uwṯin-ṯen s usɣun, carfen-ṯen s snaseȓ, ḥebbsen-ṯen.
War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.
