Ȓexḏayem 4:31 - Ṯarifiṯ 2020

³¹ Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ȓexḏayem 4:31 ပူးပေါင်းရင်းမြစ်များ

Matta 21:22

Inna-asen: Meȓa ṯumnem, aɣarwem yiȓi marra min ɣa ṯettarem i Arebbi ḏi ṯẓaǧiṯ nwem."

Yuḥanna 14:12

Aqa tesȓam ȓḥaqq: Wenni zzayi yumnen, ataf aḏ igg ȓexḏayem iy xeddmeɣ niɣ ktar minzi nec ggureɣ ɣar Baba.

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:7

Meȓa ṯeqqimem ḏayi ṯeggim zeg wawaȓ inu, ataf min ma ṯettarem aɣarwem yiȓi.

Ȓexḏayem 14:3

Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 2:1

Wami d yuweḍ Ȓƹiḏ n nhar wis xemsin, munen marra ȓmuminin ḏeg yijjen n umcan.

Ȓexḏayem 2:2

Ƹlaɣafla ihwa-d ijjen n ȓḥess zeg ujenna am arriḥ iy itṣuḍen s jjheḏ, yuḏef ḏi mkuȓ jjiheṯ n ṯeddarṯ mani qqimen.

Ȓexḏayem 2:4

Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

Ȓexḏayem 4:13

Xzaren lḥukkam nni ḏi zƹameṯ n Buṭrus ḏ Yuḥanna ufin-ṯen war ɣrin ca niṯni ḏ iwḏan ƹadi. Qqimen tƹejjben, ƹeqȓen-ṯen tuɣaṯen ak Ƹisa.

Ȓexḏayem 4:29

A Siḏi, ȓexxu xzar mammec ḏaneɣ theddaḏen, uc-aneɣ i neccin lƹibad nnec a nessiweȓ s wawaȓ nnec s zƹameṯ.

Ayṯ-Filippas 1:14

X ssabab n snaseȓ-a inu azyen ameqqran n ayṯma twacejjƹen bac aḏ ssiwȓen s wawaȓ n Arebbi s yijjen n zƹameṯ ḥsen zi qbeȓ bȓa ṯiggwḏi.

Ayṯ-Filippas 1:20

Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

Yaƹqub 1:5

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.