Ȓexḏayem 4:17 - Ṯarifiṯ 2020

¹⁷ Walakin labud aḏasen neƹȓem bac ssa aȓ tsawent war ssiwiȓen ɣar ḥadd ƹlaḥsab isem n Ƹisa bac war itentacar ca useȓmeḏ-a ḏi ccaƹb."

Ȓexḏayem 4:17 ပူးပေါင်းရင်းမြစ်များ

Matta 27:64

Nnan-as: "Iwa weṣṣa aḏ ggen ȓƹasseṯ x unḍeȓ nnes ḥetta aȓ wis ṯeȓtiyyam ḥima war d tisen imeḥḍaren nnes aḏ ysin ddat nnes aḏ inin i ccaƹb belli ikkar-d zi ȓmewṯ. Ssenni aḏ iwqeƹ uɣḏar nnes aneggaru ktar zeg wenni amezwaru."

Matta 9:30

Ȓexddenni nurzment ṯiṭṭawin nsen. Iƹȓem-asen Ƹisa inna-asen: "Ɣarwem aḏ iffeɣ ȓexbar-a ɣar ca ḥadd!"

Yuḥanna 15:21

Niṯni teggen-awem manaya marra x ssabab n yisem inu minzi war ssinen ca wenni iy ḏayi d issekken.

Ȓexḏayem 4:21

Arnin siggwḏen-ṯen, ȓexddenni ḍeȓqen-asen. War ufin mammec ḏasen ɣa ggen aṯen ƹaqben minzi marra iwḏan ḥemmḏen Arebbi x min iweqƹen.

Ȓexḏayem 5:24

Wami sȓin i wawaȓ-a arruyas n ȓfuqaha ḏ umeqqran n iƹessasen n ṯemziḏa ṯameqqrant ismeḍ-asen ȓaƹjeb ḏeg wuȓ fekkaren mani ɣa yaweḍ manaya?

Ȓexḏayem 5:28

"Neccin numar-ikenniw war ṯseȓmaḏem ca ƹlaḥsab isem nni n Ƹisa. Walakin kenniw ṯƹemmarem Lquds s ttaƹlim nwem. Ṯexsem aḏ teggem ȓmewṯ n uryaz-a x yiri nneɣ."

Ayṯ-Ufasus 6:9

U kenniw ay ayṯbab n isemɣan aḏasen ṯeggem kif-kif, maci aṯen tsiggwḏem. Aqa ṯessnem belli Bab nwem ḏ Bab nsen netta ḏ ijjen aqaṯ ḏeg ujenna, war itegg bu s wuḏemawen.

1 Ayṯ-Salunik 1:8

Zzaywem kenniw iy d iffeɣ ṣṣut n wawaȓ n Siḏiṯneɣ. Maci iffeɣ-d ḏi Masidunya ḏ Uxaya waha; Lla, iffeɣ-d ȓexbar-a x lʼiman nwem zi Arebbi ɣar yiwḏan ḏi marra imucan. X manaya war ḏaneɣ itxeṣṣi ca axas nessiweȓ minzi iwḏan tesȓan xawem.

1 Buṭrus 2:23

Wami tuɣa xas tbuṣaren, netta war xasen d yarri ca abuṣar nsen. Wami tuɣa ṯ tƹeddaben, netta war ṯen iheddeḏ ca; Lla, netta isellem ixef nnes ḏeg ifassen n wenni iteḥkamen nican.