Ȓexḏayem 3:14 - Ṯarifiṯ 2020

¹⁴ Wenni iǧan ƹaḍim ḏ ṣṣaliḥ ṯenkarem-ṯ, wenni iǧan ḏ ameḥbus ḏ lmujrim ṯettarem xas i Bilaṭus aḏawem d itwaḍȓeq.

Ȓexḏayem 3:14 ပူးပေါင်းရင်းမြစ်များ

Matta 27:20

Walakin arruyas n ȓfuqaha ḏ imeqqranen n Ayṯ-Israʼil qeȓben azeǧif i ȓɣaci ḥima aḏasen d isufeɣ Barabas, Ƹisa aḏ immeṯ.

Marqus 1:24

inna-as: "Min ṯrezzuḏ zzayneɣ a Ƹisa Naṣiri? Ma ṯusiḏ-d axaneɣ ṯeqḍiḏ? Nec qa ssneɣ min ṯeƹniḏ; cek ḏ Lƹaḍim n Arebbi!"

Marqus 15:11

Kkaren arruyas nni n ȓfuqaha qeȓben azeǧif i ȓɣaci nni ḥima aḏasen d iḍȓeq i Barabas.

Marqus 15:7

Ijjen n umeḥbus qqaren-as Barabas ggin-ṯ ḏi ȓeḥbes ak yinni itḥerraben ḍed i ȓmexzen minzi nɣin ijjen n bnaḏem ḏi ȓfawḏa.

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Luqa 23:25

Iḍȓeq-d i wenni iǧan ḏi ȓeḥbes x ssabab n ȓfawḍa ḏ ljarima n ȓmewṯ, isellem-asen Ƹisa ḥima aḏas ggen min xsen.

Yuḥanna 16:10

Ɣalṭen x min iṣeȓḥan minzi ggureɣ ɣar Baba, war ḏayi ṯẓerrem ca zi ssa aȓ ṯsawent.

Yuḥanna 18:40

Ƹeyyḍen s jjheḏ nnan: "War d ḍeǧeq ca i wanita, ḍȓeq-aneɣ-d i Barabas!" Tuɣa Barabas ḏ aqeṭṭaƹ ibriḏen.

Ȓexḏayem 13:28

Waxxa war ufin uȓa ḏ ijjen n ssabab iy zi ɣa xas ḥekmen s ȓmewṯ, walakin ttaren i Bilaṭus aṯ ineɣ.

Ȓexḏayem 2:27

War ṯsemmḥeḏ ca ḏi ȓaƹmar inu ḏi Lʼaxira, war tejjiḏ ca Lƹaḍim nnec aḏ ikiccew.

Ȓexḏayem 22:14

Inna-ayi: Arebbi n ȓejḏuḏ nneɣ ixḍar-icek netta bac aḏ tessneḏ min ixes, aḏ twaȓiḏ s ṯiṭṭawin nnec axeddam nnes ṣṣaliḥ aḏ tṣennṭeḏ i yijjen n wawaȓ zeg uqemmum nnes.

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.

Ȓexḏayem 5:28

"Neccin numar-ikenniw war ṯseȓmaḏem ca ƹlaḥsab isem nni n Ƹisa. Walakin kenniw ṯƹemmarem Lquds s ttaƹlim nwem. Ṯexsem aḏ teggem ȓmewṯ n uryaz-a x yiri nneɣ."

Ȓexḏayem 7:52

Ma injem can n nnabi war ṯ ƹeddben ca ȓejḏuḏ nwem? Niṯni nɣin uȓa ḏ lʼanbiya nni n zman iy innan qa aḏ d yas wenni iǧan ṣṣaliḥ, iƹni wenni ȓexxu ṯxeḏƹem kenniw ṯenɣim-ṯ.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

Yaƹqub 5:6

Ṯḥekmem x yinni iǧan nican, ṯenɣim-ṯen bȓa ma ḏawem ƹarrḍen.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

1 Yuḥanna 2:1

A iḥenjiren inu, tariɣ-awem-d ṯimesȓayin-a ḥima war ṯƹeṣṣim ca Arebbi. Walakin meȓa neƹṣa-ṯ aqa ɣarneɣ ijjen n lwasiṭ ak Arebbi Babaṯneɣ netta ḏ Ƹisa Lmasiḥ wenni ig iǧan nican.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac: