Ȓexḏayem 3:13 - Ṯarifiṯ 2020

¹³ Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.

Ȓexḏayem 3:13 ပူးပေါင်းရင်းမြစ်များ

Matta 11:27

Immuc-ayi kuȓci zi Baba. War issin ḥadd min iƹna Mmis menɣir Babas. War issin ḥadd min iƹna Babas menɣir Mmis. Babas, aṯ ssnen ɣir yinni umi ixes Mmis aḏasen ṯiḏ ismeḍhar.

Matta 20:19

aṯ sellmen i yinni war iǧin ca zi Ayṯ-Israʼil. Axas ḍeḥcen, aṯ uwṯen s usɣun, aṯ ṣellben. Nhar wis ṯeȓtiyyam aḏ d itwasnekkar zi ȓmewṯ."

Matta 22:32

Iqqar qa nec ḏ Arebbi n Brahim, ḏ Arebbi n Isḥaq, ḏ Arebbi n Yaƹqub." Inna-asen Ƹisa: "Netta ḏ Arebbi n yinni iddaren maci n yinni immuṯen."

Matta 27:2

Carfen-ṯ uwin-ṯ aṯ sellmen i lḥakem arrumani umi qqaren Bilaṭus.

Matta 28:18

Iqarreb-d ɣarsen Ƹisa, issiweȓ akiḏsen inna-asen: "Ṯemmuc-ayi marra ssulṭa ḏeg ujenna ḏ ṯmurṯ.

Marqus 15:11

Kkaren arruyas nni n ȓfuqaha qeȓben azeǧif i ȓɣaci nni ḥima aḏasen d iḍȓeq i Barabas.

Luqa 22:57

Inkar Buṭrus inna-as: "A ṯamɣarṯ, war ṯ ssineɣ ca."

Luqa 23:4

Inna-asen Bilaṭus i arruyas n ȓfuqaha ḏ ȓɣaci nni: "War xas tifeɣ bu can ttuhmeṯ x uṯarras-a."

Luqa 6:37

War tƹeyyabem ḥadd ḥima war kenniw itƹeyyib ca Arebbi. War tzawaȓem ḥadd ḥima war kenniw itzawaȓ ca Arebbi. Semḥem i yiwḏan, aḏawem iɣfar Arebbi.

Yuḥanna 12:16

Imeḥḍaren nnes war fhimen ca i ṯmesȓayin-a ḏeg umezwaru. Walakin wami itwarfeƹ Ƹisa ƹaḏ iy d fekkaren manaya yura xas ḏi Lkitab belli iwqeƹ-as.

Yuḥanna 18:40

Ƹeyyḍen s jjheḏ nnan: "War d ḍeǧeq ca i wanita, ḍȓeq-aneɣ-d i Barabas!" Tuɣa Barabas ḏ aqeṭṭaƹ ibriḏen.

Yuḥanna 19:11

Indeq-d Ƹisa inna-as: "War ɣarek bu jjheḏ xafi illa meȓa immuc-ac zi Arebbi. Ƹlaḥsab manaya, wenni iy ḏayi d yuwin ɣarec, ɣares ddnub ktar zzayek."

Yuḥanna 19:12

Ssenni irezzu Bilaṭus aḏas iḍȓeq. Walakin israʼiliyen tƹeyyaḍen s jjheḏ qqaren: "Meȓa ṯḍeȓqeḏ i uryaz-a ataf war ṯeǧiḏ ca ḏ ameddukeȓ n Qayṣar. Marra wenni itarran ixef nnes ḏ azeǧiḏ netta ḍed i Qayṣar."

Yuḥanna 19:15

Walakin tƹeyyaḍen s jjheḏ qqaren: "Ysi-ṯ ysi-ṯ, ṣelleb-iṯ!" Inna-asen Bilaṭus: "Ma aḏ ṣellbeɣ azeǧiḏ nwem?" Arrin xas arruyas n ȓfuqaha nnan-as: "War ɣarneɣ bu uzeǧiḏ illa Qayṣar!"

Yuḥanna 7:39

Manaya inna-ṯ x Arruḥ iqeddsen iy ɣa iqebȓen yinni zzayes yumnen. Arruḥ iqeddsen ƹaḏ war ṯiḏ yuci ca minzi Ƹisa ƹaḏ war itwarfeƹ ca.

Ȓexḏayem 22:14

Inna-ayi: Arebbi n ȓejḏuḏ nneɣ ixḍar-icek netta bac aḏ tessneḏ min ixes, aḏ twaȓiḏ s ṯiṭṭawin nnec axeddam nnes ṣṣaliḥ aḏ tṣennṭeḏ i yijjen n wawaȓ zeg uqemmum nnes.

Ȓexḏayem 24:14

Walakin qqareɣ-ac nec taƹtarafeɣ zzaṯec ƹebbḏeɣ Arebbi n ȓejḏuḏ nneɣ ƹlaḥsab abriḏ-a iy ḥessben niṯni zaƹma ḏ lbidƹa. Tamneɣ s marra min itafaqen ak ccariƹa ḏ min d yurin ḏi Lkutub n lʼanbiya.

Ȓexḏayem 3:12

Wami ṯen iẓra Buṭrus inna-asen: "Ay iryazen n Ayṯ-Israʼil, mayemmi ṯetƹejjbem x manaya? Mayemmi ḏayneɣ txezzarem ammu? Ma tfekkarem s jjheḏ nneɣ niɣ s ṭṭaƹa nneɣ iy zi narra aryaz-a iggur?

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.

Ȓexḏayem 4:30

Sarreḥ fus nnec bac aḏ tesgenfiḏ aḏ tesbeyyneḏ lmuƹjizaṯ ḏ lburhanaṯ ƹlaḥsab isem n Ƹisa axeddam nnec iqeddsen."

Ȓexḏayem 7:32

Nec ḏ Arebbi n ȓejḏuḏ nnec, ḏ Arebbi n Brahim ḏ Isḥaq ḏ Yaƹqub. Ibḏa Musa iterjiji s ṯiggwḏi war izƹim ca aḏ ixzar.

Ayṯ-Ruma 9:5

Usin-d zi ssalaf ṣṣaliḥin, u zeg uẓwer nsen iy d yusa Lmasiḥ ḏ ddat ḏ bnaḏem. Arebbi itwaḥmeḏ i ȓebda, wenni iḥekkmen x marra. Amin.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.