Ȓexḏayem 28:31 - Ṯarifiṯ 2020

³¹ Itḥeddaṯ-iṯen s ȓmulk n Arebbi, iseȓmaḏ x Siḏiṯneɣ Ƹisa Lmasiḥ s yijjen n zƹameṯ ḏ lḥurriya.

Ȓexḏayem 28:31 ပူးပေါင်းရင်းမြစ်များ

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Marqus 1:14

Wami ḥebbsen Yaḥya, yuyur Ƹisa iruḥ ɣar ṯmurṯ n Ljalil itbeccar ḏinni s Lʼinjil n Arebbi.

Luqa 8:1

Menbaƹd i manaya iggur Ƹisa zi dcar ɣar dcar zeg ubilaj ɣar ubilaj itḥeddaṯ itbeccar s ȓmulk n Arebbi. Akiḏes ṯenƹac n imeḥḍaren nnes

Ȓexḏayem 1:3

Wami iƹḏu ȓaƹḏab n ȓmewṯ nnes, itmeḍhar-asen-d x yijjen n arbeƹin yum isefham-iṯen mebȓa ccekk netta aqa iddar. Itas-d ɣarsen issawaȓ akiḏsen x ȓmulk n Arebbi.

Ȓexḏayem 20:25

Ȓexxu kenniw umi beccareɣ s ȓmulk n Arebbi ssneɣ nec belli uȓa ḏ ijjen zzaywem ma aḏ iẓer aɣembub inu ssa aȓ ṯsawent.

Ȓexḏayem 23:11

Ǧiȓeṯ nni ibedd-d Siḏiṯneɣ ɣar Bulus inna-as: "Egg zƹameṯ! Mammec iy zzayi ṯcehḏeḏ ḏi ṯendint n Lquds, u labud ƹaweḏ azzayi ṯcehḏeḏ ḏi ṯendint n Ruma."

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 28:30

Iqqim Bulus ƹamayen ḏi ṯeddarṯ nni itxeǧas ȓekra netta s yixef nnes. Itreḥḥab s yinni iy ɣares d igguren marra.

Ȓexḏayem 4:29

A Siḏi, ȓexxu xzar mammec ḏaneɣ theddaḏen, uc-aneɣ i neccin lƹibad nnec a nessiweȓ s wawaȓ nnec s zƹameṯ.

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ȓexḏayem 5:42

Qqimen mkuȓ nhar traḥen ɣar ṯemziḏa ṯameqqrant, traḥen zi ṯeddarṯ aȓ ṯeddarṯ seȓmaḏen tbeccaren s Ƹisa belli netta ḏ Lmasiḥ.

Ȓexḏayem 8:12

Walakin wami ṯen ibeccar Filippas s ȓmulk n Arebbi ḏ yisem n Ƹisa Lmasiḥ ȓexddenni umnen tetwaṭehharen s waman s iryazen ḏ ṯemɣarin.

Ayṯ-Filippas 1:14

X ssabab n snaseȓ-a inu azyen ameqqran n ayṯma twacejjƹen bac aḏ ssiwȓen s wawaȓ n Arebbi s yijjen n zƹameṯ ḥsen zi qbeȓ bȓa ṯiggwḏi.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.