Ȓexḏayem 28:3 - Ṯarifiṯ 2020

³ Bulus ijmeƹ-d ikeccuḍen, wami ṯen isers ḏi ṯmessi iffeɣ-d ijjen n ufiɣer zi ȓeḥmu, iqqes-as iȓseq-as ḏeg ufus.

Ȓexḏayem 28:3 ပူးပေါင်းရင်းမြစ်များ

Matta 12:34

A ṯarwa ifiɣeran, mammec ɣa ṯeggem aḏ tinim awaȓ aṣebḥan u kenniw ḏ iƹeffanen? Ȓaḥeqqac aqemmum n bnaḏem issawaȓ min iǧan ḏeg wuȓ nnes.

Matta 23:33

Ay ifiɣeran! A ṯarwa n ṯfiɣerawin! Mamc ṯfekkarem aḏ tarewȓem zi lƹiqab n jahennama?

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Marqus 16:18

aḏ ysin ifiɣeran s ifassen nsen. Meȓa swin min ineqqen, ataf war ṯen iḍarri ca. Aḏ sersen ifassen nsen x imehȓac aḏ genfan."

Ȓexḏayem 28:2

Ibarbariyen n ṯmurṯ nni ggin ḏayneɣ ȓxir aṭṭas. Reḥben zzayneɣ marra, ceƹƹȓen-aneɣ ṯimessi minzi tuɣa ṯesmeḍ ƹaweḏ iccaṯ unẓar.

Ȓexḏayem 28:4

Wami ẓrin ibarbariyen fiɣer iȓseq ḏeg ufus n Bulus, nnan jarasen: Nican aryaz-a wanita inɣa can yijjen. Arebbi nneɣ umi qqaren war ṯ ijji ca aḏ iddar waxxa injem zi ȓebḥar.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 6:9

nekkaren-aneɣ walakin neccin netwassen mliḥ; netmetta walakin neccin nteddar; tƹaqaben-aneɣ walakin neccin war ḏaneɣ neqqen ca;