Ȓexḏayem 28:20 - Ṯarifiṯ 2020

²⁰ Iḏen x manaya ttareɣ-kenniw akenniw ẓreɣ akiḏwem ssiwȓeɣ. Aqa ƹlaḥsab lʼamal n Ayṯ-Israʼil iy twaceddeɣ s ssensȓeṯ-a."

Ȓexḏayem 28:20 ပူးပေါင်းရင်းမြစ်များ

Ȓexḏayem 10:29

Wami ḏayi d ṯȓaɣim usiɣ-d bȓa ma aḏ iniɣ lla. Akenniw sseqsiɣ, mayemmi ɣari d ṯessekkem?"

Ȓexḏayem 10:33

Iwa x manaya iy ɣarek d ssekkeɣ ḏeɣya, ṯeggiḏ mliḥ wami d ṯusiḏ. Neccin ȓexxu marra aqaneɣ neḥḍar zzaṯ i Arebbi bac a nṣenneṭ marra minzi cek iweṣṣa Siḏi Arebbi."

Ȓexḏayem 21:33

Iqarreb arrayes nni ɣar Bulus iṭṭef-iṯ, yumar aṯ qqnen s ṯnayen n snaseȓ. Isseqsa xas inna-asen: Wanita min iƹna ḏ min igga?

Ȓexḏayem 23:6

Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 24:15

Ɣari lʼamal zi Arebbi mamc ɣarsen iǧa ɣar iryazen-a, iƹni aḏ d kkaren zi ȓmewṯ ṣṣaliḥin ḏ ḍḍalimin.

Ȓexḏayem 26:29

Inna-as Bulus: "S cwayt n ȓweqṯ ṯa niɣ s waṭṭas, nec tettareɣ zi Arebbi i cek ḏ yinni iy ḏayi itesȓan nhara aḏ tḏewȓem am nec walakin bȓa snaseȓ-a."

Ȓexḏayem 28:17

Ṯeƹḏu ṯeȓtiyyam, iȓaɣa-d Bulus x imeqqranen n Ayṯ-Israʼil. Wami d munen inna-asen: "Ay ayṯma, nec war ggiɣ walu ḍed i ccaƹb nneɣ niɣ ḍed i lƹadaṯ n ȓejḏuḏ nneɣ. Waxxa amenni ṭṭfen-ayi ḏi Lquds sellmen-ayi i ifassen n arrumanus.

Ayṯ-Ufasus 3:1

X manaya terkaƹeɣ x ifadden inu, nec Bulus iy iǧan ḏ ameḥbus ƹlaḥsab Ƹisa Lmasiḥ u xawem kenniw iy war iǧin ca zi Ayṯ-Israʼil...

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Ufasus 6:20

Ƹlaḥsab Lʼinjil-a wanita iy tiȓiɣ nec ḏ ijjen n ssafir carrfeɣ s snaseȓ. Ẓẓaǧem kenniw bac azzayes beccareɣ bȓa ma aḏ ggwḏeɣ ƹlaḥsab lwajib inu.

Ayṯ-Filippas 1:13

Nec lḥala inu ṯeḏweȓ maƹrufa jar marra ȓƹaskar n ȓeqṣar ḏ marra iwḏan iƹni nec aqayi ḏi ȓeḥbes ƹlaḥsab Lmasiḥ.

Ayṯ-Kulus 4:18

Qa nec ḏ Bulus s ṯira n ufus inu iy zi ḏawem d sawwaḍeɣ sȓam ȓexxu. Feqḏem-ayi-d s snaseȓ inu n ȓeḥbes-a. Akiḏwem yiȓi arḍa.

2 Timutawus 1:10

Arḍa-ya qa imeḍhar-d ȓexxu wami d imeḍhar Ƹisa Lmasiḥ wenni iy ḏaneɣ isenjamen wenni isbeṭṭȓen ȓmewṯ. Ȓexxu s ufus n Lʼinjil yuwi-d ṯuḏarṯ ɣar nnur ḏ ṯenni war ifennin ca.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

Filimun 1:10

Tettareɣ-cek x Wanisamu wenni iǧan am memmi, arriɣ-ṯ nec ḏ mmi wami tuɣaṯ akiḏi ḏi ȓeḥbes.

Filimun 1:13

Mecḥaȓ nec tuɣa rezzuɣ akiḏi iqqim ḏanita aḏayi iƹawen ḏeg umcan nnec zeg wami ǧiɣ ḏanita ḏi ȓeḥbes-a ƹlaḥsab Lʼinjil.