Ȓexḏayem 28:17 - Ṯarifiṯ 2020

¹⁷ Ṯeƹḏu ṯeȓtiyyam, iȓaɣa-d Bulus x imeqqranen n Ayṯ-Israʼil. Wami d munen inna-asen: "Ay ayṯma, nec war ggiɣ walu ḍed i ccaƹb nneɣ niɣ ḍed i lƹadaṯ n ȓejḏuḏ nneɣ. Waxxa amenni ṭṭfen-ayi ḏi Lquds sellmen-ayi i ifassen n arrumanus.

Ȓexḏayem 28:17 ပူးပေါင်းရင်းမြစ်များ

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 25:10

Inna-as Bulus: "Nec aqayi beddeɣ ḏi lmaḥkama-ya n Lmalik Qayṣar, itxeṣṣa ḏa iy ɣa twaḥakmeɣ. Qa Ayṯ-Israʼil war ḏaysen xḍiɣ ca, mammec ṯessneḏ cek.

Ȓexḏayem 25:2

Arruyas n ȓfuqaha ḏ imeqqranen n Ayṯ-Israʼil qeddmen-as ttuhmaṯ nsen ḍed i Bulus. Ḥeccmen-ṯ ttaren zzayes aḏasen igg ȓxaḍar nsen bac aṯiḏ yawi ɣar Lquds walakin niṯni wejjḏen-as i Bulus bac aṯ nɣen ḏeg ubriḏ nni.

Ȓexḏayem 25:8

Ibḏa Bulus itḏafaƹ x yixef nnes inna: "Nec war xḍiɣ ca ḏi manayenni, niɣ ḏi Ccariƹa n Ayṯ-Israʼil niɣ ḏi ṯemziḏa ṯameqqrant niɣ ḏi Lmalik Qayṣar."

Ȓexḏayem 6:14

Nesȓa-yas iqqar belli Ƹisa zi Naṣira aḏ ihḏem amcan-a aḏ ibeddeȓ lƹadaṯ nni iy ḏaneɣ d ijja Musa."