Ȓexḏayem 28:11 - Ṯarifiṯ 2020

¹¹ Menbaƹd i ṯeȓt chur, ngaƹƹeḏ ḏeg yijjen n uɣarrabu zi Iskandariya tuɣa iseƹḏu ȓmecta ḏi ṯeyzirṯ nni. Aɣarrabu nni x uɣembub nnes ḏayes lʼaṣnam semman-ṯen

Ȓexḏayem 28:11 ပူးပေါင်းရင်းမြစ်များ

Ȓexḏayem 13:6

Uyuren ḏi ṯeyzirṯ nni amen-ṯekmaȓ aȓ wami uwḍen ɣar ṯendint n Pafus. Ufin ḏinni ijjen n useḥḥar netta ḏ aʼisraʼili yarra ixef nnes ḏ nnabi qqaren-as Benyacuƹ.

Ȓexḏayem 27:6

Yufa ḏinni uƹaskari nni ameqqran ijjen n uɣarrabu yusa-d zi ṯendint n Iskandariya itraḥ ḏi ȓweqṯ nni ɣar ṯmurṯ n Iṭalya, isney-aneɣ ḏayes.

Ȓexḏayem 28:10

Weqqaren-aneɣ ucin-aneɣ aṭṭas n ṯmesȓayin. Wami nekkar a neffeɣ ḏeg uɣarrabu, ḏebbaren-aneɣ-d ȓqecc nni iy neḥḏaj.

Ȓexḏayem 28:12

Nuweḍ ɣar ṯendint n Saraqusa neqqim ḏayes ṯeȓtiyyam.

Ȓexḏayem 6:9

Kkaren ȓebƹaḍ zi temziḏa umi qqaren Niṯni ḏ israʼiliyen n ṯendint n Lqurina ḏ ṯendint n Iskandariya ḏ inneɣni zi lʼiqlim n Kilikya ḏ lʼiqlim n Asya. Bḏan temnaqaren ak Stifan,

1 Ayṯ-Kurinṯ 8:4

Amma lmakla itqeddamen i lʼaṣnam, nessen lʼaṣnam ǧan ḏi ddunect-a walakin ḏ ixarriqen waha. Nessen neccin ijjen n Arebbi ig iǧan, waḥḏes.