Ȓexḏayem 27:35 - Ṯarifiṯ 2020

³⁵ Wami inna awaȓ-a, ikkar iysi-d aɣrum icekkar Arebbi zzaṯsen marra, irez-iṯ ibḏa itett-iṯ.

Ȓexḏayem 27:35 ပူးပေါင်းရင်းမြစ်များ

Matta 14:19

Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Matta 15:36

Iṭṭef sebƹa nni n ṯecnifin ḏ iseȓman nni, icekkar Arebbi. Irzi-ṯen yuci-ṯen i imeḥḍaren nnes, imeḥḍaren nnes ferqen-ṯen x ȓɣaci nni.

Marqus 8:6

Yumar Ƹisa ȓɣaci nni aḏ qqimen ḏi ṯmurṯ. Iṭṭef sebƹa nni n ṯecnifin icekkar Arebbi, irzi-ṯent yuci-ṯent i imeḥḍaren nnes aṯent ferqen x yiwḏan nni. Ȓexddenni ferqen-ṯent.

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Yuḥanna 6:11

Iysi-d Ƹisa aɣrum nni icekkar Arebbi, ifreq-iṯ i yinni iy ḏinni iqqimen. Ammu igga uȓa i iseȓman, ucin-asen ƹlaḥsab min rezzun.

Yuḥanna 6:23

Ssenni usint-id ṯɣarruba nneɣni zi ṯendint n Ṭabarya ɣar umcan nni mani ccin aɣrum nni mani icekkar Ƹisa Arebbi.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

1 Buṭrus 4:16

Innama, meȓa can yijjen itwaƹeddab ȓaḥeqqac netta ḏ amasiḥi itxeṣṣa-as war itseḏḥi ca, u labud aḏ isemɣar Arebbi ȓaḥeqqac iysi-d isem nnes.