Ȓexḏayem 27:1 - Ṯarifiṯ 2020

¹ Wami umaren aḏaneɣ ssekken ḏeg uɣarrabu ɣar ṯmurṯ n Iṭalya, sellmen Bulus ḏ ȓebƹaḍ n imeḥbas akiḏes ijjen n uƹaskari ḏ ameqqran n arrumanus qqaren-as Yulyus. Netta yusa-d zi ȓƹaskar nni umi qqaren

Ȓexḏayem 27:1 ပူးပေါင်းရင်းမြစ်များ

Matta 27:54

Aƹaskari nni ameqqran n arrumanus ḏ yinni akiḏes iḥeṭṭan Ƹisa ẓrin zzinzal nni ḏ min iweqƹen, ggwḏen aṭṭas nnan: "Wanita ḏ Mmis n Arebbi ḏ ṣṣaḥ!"

Luqa 23:47

Aƹaskari nni ameqqran n arrumanus iy iǧan ḏinni wami iẓra min iweqƹen ibḏa isemɣar Arebbi inna: "Aṯarras-a ḏ ṣṣaḥ bariʼ iy iǧa."

Luqa 7:2

Ḏinni ijjen n uƹaskari ḏ ameqqran n arrumanus ɣares ijjen n uxeddam itƹewwaȓ xas aṭṭas, walakin axeddam nni ihȓec ƹȓayen aḏ immeṯ.

Ȓexḏayem 10:1

Ḏi ṯendint n Qayṣariya tuɣa ḏinni ijjen n uryaz qqaren-as Kurninyus. Netta ḏ ijjen n uƹaskari ḏ ameqqran n arrumanus aqaṯ ḏeg yijjen n lfirqa n ȓƹaskar umi qqaren

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 16:10

Wami ṣafi iẓra lwaḥi nni Bulus, nekkar neccin nsewjeḏ ḥima a nsafer ȓexddenni ɣar lʼiqlim n Masidunya. Nefhem belli Arebbi itȓaɣa-d xaneɣ aṯen nbeccar s Lʼinjil ḏinni.

Ȓexḏayem 18:2

Yufa ḏinni ijjen n uʼisraʼili netta ḏ mmis n lʼiqlim n Punṭus qqaren-as Akilas. Netta tuɣa yusa-d ḏeg wussan nni zi ṯmurṯ n Iṭalya netta ḏ ṯemɣarṯ nnes umi qqaren Priskila. Liʼanna Lmalik Kludyus tuɣa yumar x marra Ayṯ-Israʼil aṯen sufɣen zi Ruma. Iruḥ Bulus ɣar Wakilas ḏ Priskila aṯen iẓer. Iqqim akiḏsen, ixeddem akiḏsen minzi niṯni ȓxeḏmeṯ nsen ḏ icten teggen iqiḍan.

Ȓexḏayem 19:21

Menbaƹd i manaya, iƹewweȓ Bulus aḏ isafer ɣar Lquds, aḏ ikk x lʼiqlim n Masidunya ḏ lʼiqlim n Uxaya. Inna: Xmi ɣa awḍeɣ ḏinni, itxeṣṣa-ayi ƹaweḏ aḏ raḥeɣ ɣar ṯendint n Ruma!

Ȓexḏayem 21:32

Iruḥ netta ḏeɣya yuwi akiḏes ȓƹaskar ḏ imeqqranen nsen yuzzeȓ ɣarsen. Israʼiliyen wami ẓrin arrayes ḏ ȓƹaskar nnes, bedden war qqimen ca ƹaḏ ccaṯen Bulus.

Ȓexḏayem 22:26

Wami isȓa umeqqran nni n ȓƹaskar manayenni, iruḥ ɣar arrayes n ȓƹaskar inna-as: "Min teggeḏ cek ammu? Qa aryaz nni ɣares ljinsiya n arrumanus!"

Ȓexḏayem 23:11

Ǧiȓeṯ nni ibedd-d Siḏiṯneɣ ɣar Bulus inna-as: "Egg zƹameṯ! Mammec iy zzayi ṯcehḏeḏ ḏi ṯendint n Lquds, u labud ƹaweḏ azzayi ṯcehḏeḏ ḏi ṯendint n Ruma."

Ȓexḏayem 23:17

Iȓaɣa-d Bulus x yijjen n uƹaskari ḏ ameqqran n arrumanus inna-as: "Awi aḥenjir-a ɣar arrayes nwem aqa ɣares can wawaȓ aḏas ṯ yini."

Ȓexḏayem 24:23

Yumar ijjen n umeqqran n ȓƹaskar inna-as: "Ƹess x Bulus ḏi ȓeḥbes." Inna-as: "Walakin uc-as cwayt n lḥurriya, ejj imeddukaȓ nnes aɣares d asen bac aḏayes thillan."

Ȓexḏayem 25:12

Lwali Fastus issiweȓ ak imcawaren nnes uca inna-as i Bulus: "Meȓa cek ddaƹweṯ nnec ṯestanfeḏ-t ɣar Qayṣar, qa ɣar Qayṣar iy ɣar ɣa ṯraḥeḏ."

Ȓexḏayem 25:25

Nec war xas ufiɣ bu can ȓḥajeṯ isḏaheǧ xas ȓmewṯ. Wami istanef ddaƹweṯ nnes ɣar lmalik Qayṣar, xseɣ aɣares ṯ ssekkeɣ.

Ȓexḏayem 27:11

Walakin aƹaskari nni ameqqran war ḏas iggi ca array i Bulus, igga array i bab n uɣarrabu ḏ arrayes nnes.

Ȓexḏayem 27:43

Walakin aƹaskari nni ameqqran ixes aḏ isenjem Bulus, isbedd-iṯen x min xsen aḏ ggen. Yumar yinni issnen aḏ ƹummen aḏ neḍwen ḏ imezwura ḥima aḏ ffɣen ɣar ȓbarr.

Ȓexḏayem 27:6

Yufa ḏinni uƹaskari nni ameqqran ijjen n uɣarrabu yusa-d zi ṯendint n Iskandariya itraḥ ḏi ȓweqṯ nni ɣar ṯmurṯ n Iṭalya, isney-aneɣ ḏayes.

Ȓexḏayem 28:1

Wami nenjem nuweḍ ɣar ȓbarr, nufa isem n ṯeyzirṯ nni qqaren-as Malṭa.

Ȓexḏayem 28:16

Nuḏef ṯandint n Ruma, ismeḥ-as ȓmexzen i Bulus aḏ izḏeɣ waḥḏes akiḏes iqqim ijjen n uƹaskari axas iƹesses.

Iƹibraniyen 13:24

Siwḍem-asen sȓam i marra yinni iy xawem itrayyan ḏ marra ṣṣaliḥin. Yina zi Iṭalya sawwaḍen-awem-d sȓam.