Ȓexḏayem 26:5 - Ṯarifiṯ 2020

⁵ Niṯni ssnen-ayi aṭṭas zeg wami. Meȓa xsen axafi cehḏen nec ƹiceɣ ḏ afarrisi, ȓḥizeb nni iqesḥen aṭṭas ḏi ddin nneɣ.

Ȓexḏayem 26:5 ပူးပေါင်းရင်းမြစ်များ

Ȓexḏayem 15:5

Walakin kkaren can n ȓmuminin ȓḥizeb nsen zeg ifarrisiyen nnan: Itxeṣṣa wa labud aḏ ṭehharen yinni war iǧin ca zi Ayṯ-Israʼil, aṯen ṯweṣṣam aḏ ṭaƹen i Ccariƹa n Musa.

Ȓexḏayem 22:3

"Nec ḏ aʼisraʼili xeȓqeɣ ḏi ṯendint n Ṭarsus ḏi lʼiqlim n Kilikya, walakin nec ymiɣ ḏi ṯendint-a ḏanita. Ɣriɣ ɣar iḍaren n lʼustad Gamlil twarebbiɣ s ccariƹa n ȓejḏuḏ nneɣ mammec ḏaneɣ ṯweṣṣa ṯa s ṯa kuȓci. Rezzuɣ aḏ ggeɣ lwajib ak Arebbi s wuȓ inu mamc ṯrezzum aḏ teggem kenniw marra nhara.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 23:6

Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 24:14

Walakin qqareɣ-ac nec taƹtarafeɣ zzaṯec ƹebbḏeɣ Arebbi n ȓejḏuḏ nneɣ ƹlaḥsab abriḏ-a iy ḥessben niṯni zaƹma ḏ lbidƹa. Tamneɣ s marra min itafaqen ak ccariƹa ḏ min d yurin ḏi Lkutub n lʼanbiya.

Ȓexḏayem 24:5

Aryaz-a wanita nufi-ṯ itxarwaḍ waha itegg lfitna jar marra israʼiliyen iy ǧan ḏi marra ddunect. Netta ḏ ijjen n arrayes n lbidƹa n nnaṣara.