Ȓexḏayem 26:24 - Ṯarifiṯ 2020

²⁴ Bulus netta aqaṯ ƹaḏ issawaȓ itḏafaƹ x yixef nnes, ikkar lwali Fastus inna-as s jjheḏ: "A Bulus, cek ma ṯeflippaḏ? Ṯɣuri nnec ṯemɣar qa ṯesbuheȓi-yic!"

Ȓexḏayem 26:24 ပူးပေါင်းရင်းမြစ်များ

Marqus 3:21

Wami sȓin ȓeḥbab nnes x manaya, usin-d ḥima aṯ awin akiḏsen nnan qa iruḥ-as ȓaƹqeȓ.

Yuḥanna 7:15

Israʼiliyen ḏehcen nnan: "Mammec igga netta issen min ḏaysen ḏi Lkutub u netta war iɣri ca?"

Yuḥanna 8:48

Nnan-as israʼiliyen nni: "Ɣarneɣ ȓḥaqq niɣ lla meȓa nenna cek zi Samarya, ḏayek jnun?"

Yuḥanna 8:52

Nnan-as israʼiliyen: "Ȓexxu nessen belli cek ḏayek jnun. Siḏna Brahim ḏ lʼanbiya marra mmuṯen. Cek ṯeqqareḏ meȓa can yijjen aḏ igg array i wawaȓ inu ƹemmarṣ aḏ iqqas ȓmewṯ.

Ȓexḏayem 17:32

Yina wami tesȓan x yiwḏan aḏ d kkaren zi ȓmewṯ ḏi Lqiyama ḍeḥcen ȓebƹaḍ xasen, walakin ȓebƹaḍ nneɣni nnan-as qa neccin nexs aḏac nṣenneṭ ṯwaȓa nneɣni x manaya.

Ȓexḏayem 22:1

"Ay ayṯma ay imɣaren, ṣennṭeṯ-ayi mliḥ ȓexxu bac aḏ ḏafƹeɣ x yixef inu!"

Ȓexḏayem 24:25

Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

Ȓexḏayem 24:27

Ƹḏun ṯnayen n iseggwusa, iḏweȓ-d Burkyus Fastus ḏeg umcan n Lwali Filikes. Walakin Filikes igga-asen ȓxaḍar i israʼiliyen, ijja Bulus ḏi ȓeḥbes.

Ȓexḏayem 26:11

Mecḥaȓ n ṯwaȓaṯin traḥeɣ zi ṯemziḏa ɣar ṯemziḏa tƹeddabeɣ-ṯen, rezzuɣ aḏ ssiwȓen s bezzez ȓƹib ḏi Arebbi. S uɣḍab nni inu traḥeɣ ḥetta ɣar ṯneddam ḏi lxarij bac aṯen ƹeddbeɣ ḏinni.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 4:10

Neccin ḏ ibuhaȓiyen zaƹma ƹlaḥsab Lmasiḥ, y kenniw ma ḏ imiɣisen ḏi Lmasiḥ? Neccin neḍƹef, y kenniw ma ṯjehḏem? Karrmen-kenniw, neccin sbehdaȓen-aneɣ.

2 Ayṯ-Kurinṯ 5:13

Cuf, meȓa iruḥ-aneɣ ȓaƹqeȓ zaƹma, manaya jaraneɣ ḏ Arebbi. Meȓa ɣarneɣ ȓaƹqeȓ, ataf manaya mliḥ i kenniw.

2 Timutawus 3:15

Aqa zi ṯemẓi nnec ṯessneḏ ƹaweḏ Ṯira iǧan Muqeddsin zemmarent ac d arrent ḏ miɣis ƹlaḥsab mamc iy ɣa ṯnejmeḏ s lʼiman nni iy iǧan ḏi Ƹisa Lmasiḥ.