Ȓexḏayem 26:22 - Ṯarifiṯ 2020

²² Walakin Arebbi iƹawen-ayi-d zi qbeȓ ḥetta nhara. Ammu aqayi nec ḏanita beddeɣ, tbeccareɣ s umezyan ḏ umeqqran. Qqareɣ ɣir ṯimesȓayin nni iy nnan lʼanbiya ḏ Musa labud aḏ weqƹent.

Ȓexḏayem 26:22 ပူးပေါင်းရင်းမြစ်များ

Matta 26:24

Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n bnaḏem nni iy ṯ ɣa izzenzen! Ḥsen i netta mȓi war d ixȓiq ca."

Luqa 16:28

Ɣari xemsa n ayṯma xseɣ aṯen iƹȓem ḥima uȓa ḏ niṯni war tƹeddiben ca ḏeg umcan-a.

Luqa 24:27

Ḏinni ibḏa-yasen Ƹisa zi Ccariƹa n Musa ḏ Lkutub n marra lʼanbiya isefhem-iṯen min xas yurin ḏi marra Lkutub nni.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Yuḥanna 1:17

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.

Yuḥanna 1:45

Filippas yufa ijjen qqaren-as Naṯnahil inna-as: "Nufa wenni iy xef yura Musa ḏi ccariƹa, mixef urin Lkutub n Lʼanbiya. Netta ḏ Ƹisa zeg ubilaj n Naṣira ḏ mmis n Yusef."

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

Yuḥanna 5:46

Maƹlik kenniw ṯumnem ḏi Musa, iȓi ṯumnem ḏayi uȓa ḏ nec minzi netta yura xafi.

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 13:29

Wami ggin marra min tuɣa xas urin lʼanbiya, sehwan-ṯ-iḏ zi ṯeḥnact sersen-ṯ ḏeg unḍeȓ.

Ȓexḏayem 24:14

Walakin qqareɣ-ac nec taƹtarafeɣ zzaṯec ƹebbḏeɣ Arebbi n ȓejḏuḏ nneɣ ƹlaḥsab abriḏ-a iy ḥessben niṯni zaƹma ḏ lbidƹa. Tamneɣ s marra min itafaqen ak ccariƹa ḏ min d yurin ḏi Lkutub n lʼanbiya.

Ȓexḏayem 26:17

Ac snejmeɣ zi lʼumma nnec, ac snejmeɣ ƹaweḏ zeg yinni war iǧin ca zi Ayṯ-Israʼil. Ac ssekkeɣ ɣarsen

Ȓexḏayem 26:6

Cuf, mayemmi iy ǧiɣ nec nhara ḏi lmaḥkama-ya? Liʼanna ɣari lʼamal zi ȓƹaheḏ nni iy ḏaneɣ yuca Arebbi zi ȓejḏuḏ nneɣ.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ayṯ-Ruma 3:21

Fa ȓexxu Arebbi ismeḍhar-aneɣ-d mammec ɣa negg a nmeṣȓaḥ akiḏes bȓa ccariƹa. Manaya ṣaḥḥen-ṯ Lkutub n lʼanbiya ḏ ccariƹa n Musa niṯni s yixef nsen.

1 Ayṯ-Kurinṯ 15:3

Cuf, ssiwḍeɣ-awem-d manayenni iǧan muhim tuɣa qebȓeɣ-ṯ nec s yixef inu, iƹni Lmasiḥ immuṯ ƹlaḥsab ȓmuƹṣiyaṯ nneɣ mammec iqqar Lkitab.

1 Ayṯ-Kurinṯ 15:4

Ṯumma itwanḍeȓ, ṯumma itwasnekkar-d ḏeg wass wis ṯeȓtiyyam mammec iqqar Lkitab.

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.

Lwaḥi 11:18

Ȓegnus ɣeḍben, yuweḍ-d uɣḍab nnec. Yuweḍ-d Nhar n Lḥisab ḏ Lƹiqab n yinni immuṯen. Aḏ tjaziḏ yinni ḏac ixeddmen iƹni lʼanbiya ḏ ȓmuminin nnec ṣṣaliḥin, ḏ yinni itweqqaren isem nnec s imezyanen ḏ imeqqranen. Aḏ teqḍiḏ x yinni isefsaḏen ṯamurṯ."

Lwaḥi 15:3

Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.

Lwaḥi 20:12

Ẓriɣ imettinen bedden zzaṯ i lƹarc nni am umezyan am umeqqran. Nurzmen Lkutub, inurzem ijjen n Lkitab nneɣni netta ḏ Lkitab n Ṯuḏarṯ. Twaḥasben imettinen s min yurin ḏi Lkutub ƹlaḥsab ȓexḏayem nsen.