Ȓexḏayem 26:20 - Ṯarifiṯ 2020

²⁰ Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Ȓexḏayem 26:20 ပူးပေါင်းရင်းမြစ်များ

Matta 3:2

Iqqar-asen: "Tubem, aqa yuḏes-d ȓmulk n ujenna."

Matta 3:8

Meȓa ṯtubem ḏ ṣṣaḥ, ggeṯ ȓexḏayem ṯiṣebḥanin.

Matta 4:17

Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

Matta 9:13

Ruḥem rzum x ȓmaƹna n lʼaya iy iqqaren: Xseɣ aḏ treḥmem iwḏan, war xseɣ bu aḏ tɣarṣem i ȓebhayem." Inna-asen: "War d usiɣ ca aḏ ȓaɣiɣ i yinni iǧan nican, usiɣ-d aḏ ȓaɣiɣ i yinni iƹeṣṣan!"

Marqus 6:12

Kkaren niṯni ruḥen tḥeddaṯen i yiwḏan ḥima aḏ tuben.

Luqa 1:16

Aḏ yarr aṭṭas n Ayṯ-Israʼil ɣar Siḏi Arebbi nsen.

Luqa 13:3

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni.

Luqa 13:5

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni."

Luqa 15:10

Aḏawem iniɣ: Amenni ijjen meȓa iƹṣa menbaƹd itub, ataf akiḏes farḥent lmalaʼikaṯ n Arebbi."

Luqa 15:7

Aḏawem iniɣ: Aḏ farḥen ḏeg ujenna aṭṭas x yijjen meȓa iḏweȓ-d ɣar ubriḏ ktar zi min ɣa farḥen x tesƹa u tesƹin nni war ffiɣen ca abriḏ.

Ȓexḏayem 11:18

Yinni iḥḍaren wami sȓin i wawaȓ-a, sqaren ḥemḏen Arebbi nnan: "Xyar, uȓa ḏ yinni war iǧin ca zi Ayṯ-Israʼil yuca-asen Arebbi ttuba aɣarsen ṯiȓi ṯuḏarṯ!"

Ȓexḏayem 15:19

Inna-asen Yaƹqub: "X manaya nec twaȓiɣ war nseqsaḥ ca x yinni war iǧin ca zi Ayṯ-Israʼil ig itamnen ȓexxu zi Arebbi.

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 26:17

Ac snejmeɣ zi lʼumma nnec, ac snejmeɣ ƹaweḏ zeg yinni war iǧin ca zi Ayṯ-Israʼil. Ac ssekkeɣ ɣarsen

Ȓexḏayem 26:19

Nec a si azeǧiḏ Aɣribas, war ƹṣiɣ ca lwaḥi nni iy xafi d ihwan zeg ujenna.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ȓexḏayem 9:35

Marra iwḏan iy zeddɣen ḏeg ubilaj n Ludda ḏ ȓewḍa n Carun ẓrin-ṯ tuben ɣar Siḏi Arebbi.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

2 Ayṯ-Kurinṯ 3:16

Walakin xmi ɣa yamen can yijjen zi Siḏiṯneɣ, aḏas itwakkes ltam nni.

2 Ayṯ-Kurinṯ 7:10

Cuf, axiyyeq zi Arebbi itarew-d ttuba, ttuba-ya ṯneddeh-ikenniw aḏ tnejmem war tejji bu ndameṯ. Axiyyeq zi ddunect-a lla, itarew-d ȓmewṯ.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

Lwaḥi 16:11

Ƹlaḥsab ȓeḥriq ḏ ṯḥebba iy ḏaysen niṯni qqaren awaȓen war iḥȓin x Arebbi iǧan ḏeg ujenna, war tuben ca zi ȓefƹayeȓ nsen.

Lwaḥi 2:21

Uciɣ-as ȓweqṯ aḏ ttub zi lfasad nnes, walakin ṯugi aḏ ttub.

Lwaḥi 2:5

Fekkar mecḥaȓ ṯɣelṭeḏ, tub, egg ȓexḏayem nnec ṯimezwura. Meȓa ṯugiḏ aḏ tubeḏ, aḏ d aseɣ ɣarek aḏ ysiɣ ȓqendiȓ nnec zeg umcan nnes.

Lwaḥi 3:3

Ƹqeȓ x ttaƹlim iy ṯqebȓeḏ wami ḏas ṯesȓiḏ. Xḏem zzayes, tub. Meȓa war ṯeǧiḏ ca ƹlabal, nec aɣarek d aseɣ am yij uceffar war ṯessineḏ ca man ṯsaƹƹat iy d ɣa aseɣ.