Ȓexḏayem 26:11 - Ṯarifiṯ 2020

¹¹ Mecḥaȓ n ṯwaȓaṯin traḥeɣ zi ṯemziḏa ɣar ṯemziḏa tƹeddabeɣ-ṯen, rezzuɣ aḏ ssiwȓen s bezzez ȓƹib ḏi Arebbi. S uɣḍab nni inu traḥeɣ ḥetta ɣar ṯneddam ḏi lxarij bac aṯen ƹeddbeɣ ḏinni.

Ȓexḏayem 26:11 ပူးပေါင်းရင်းမြစ်များ

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Marqus 13:9

Ḥḍam ixef nwem! Akenniw sellmen i lmaḥkamaṯ, akenniw uwṯen ḏi ṯemziḏawin nsen. Aḏ tbeddem zzaṯ i lḥukkam ḏ izeǧiḏen ƹlaḥsab isem inu ḥima axafi ṯcehḏem.

Marqus 3:28

Aqa tesȓam ȓḥaqq: Aḏ twaɣfarent marra ȓmuƹṣiyaṯ iy teggen yiwḏan ḏ kuȓ awaȓ nni war iḥȓin iy qqaren x Arebbi.

Luqa 15:17

Ibḏa ȓexddenni itxemmam mliḥ ḏeg yixef nnes inna: Mecḥaȓ ɣares ḏ ixeddamen ɣar baba itceṭṭa xasen uɣrum, nec aqayi ḏanita tmettiɣ s jjuƹ.

Luqa 21:12

Qbeȓ i marra manaya akenniw ṭṭfen, akenniw ƹeddben, akenniw sellmen i ṯemziḏawin nsen. Akenniw ḥebsen, akenniw jarren ɣar izeǧiḏen ḏ lḥukkam ƹlaḥsab isem inu.

Luqa 6:11

Niṯni min ggin? Ɣeḍben aṭṭas mcawaren jarasen min ɣa ggen i Ƹisa.

Ȓexḏayem 13:45

Ayṯ-Israʼil wami ufin ȓɣaci aṭṭas bḏan ḥessḏen aṭṭas arrusul bḏan tƹarraḍen i wawaȓ n Bulus, tukkaren-ṯ.

Ȓexḏayem 18:6

Wami bḏan tƹarraḍen-as tbuṣaren xas, imseḥ arruḍ nnes am yijjen n chaḏeṯ xasen inna-asen: "Iḏammen nwem x yirawen nwem, qa nec tberriɣ azeǧif inu zzaywem. Ssa aȓ ṯsawent aḏ raḥeɣ ɣar yinni war iǧin ca zi Ayṯ-Israʼil."

Ȓexḏayem 22:19

Nniɣ-as: A Siḏi, niṯni ssnen belli tuɣa traḥeɣ zi ṯemziḏa ɣar ṯemziḏa tḥebbaseɣ ccaṯeɣ yinni zzayek yumnen.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 9:1

Cawul ƹaḏ itheddaḏ s ȓmewṯ imeḥḍaren n Siḏiṯneɣ. Ikkar iruḥ ɣar arrayes n ȓfuqaha,

Yaƹqub 2:7

Ma war ṯessinem ca belli ḏ niṯni ig issawaȓen s ȓƹib ḏeg yisem aṣebḥan n Lmasiḥ wenni iy zi ḏawem tȓaɣan yiwḏan?

2 Buṭrus 2:16

Netta ṯenha-ṯ ṯeɣyuȓṯ nnes x ccarr nni; ṯaɣyuȓṯ nni ḏ ijjen n lḥayawan ḏ ṯazeyzunt ṯessiweȓ s yijjen n ṯmijja n bnaḏem ṯesbedd ṯubbuhȓiya nnes n nnabi nni.