Ȓexḏayem 24:24 - Ṯarifiṯ 2020

²⁴ Ƹḏun can wussan, yusa-d Filikes akiḏes ṯamɣarṯ nnes Drusila, nettaṯ ḏ ṯaʼisraʼiliṯ. Iȓaɣa-d x Bulus iṣenneṭ-as wami issawaȓ x lʼiman zi Ƹisa Lmasiḥ.

Ȓexḏayem 24:24 ပူးပေါင်းရင်းမြစ်များ

Marqus 6:20

Mayemmi? Ȓaḥeqqac Hirudus iteggweḏ zi Yaḥya. Issen belli netta ḏ ijjen n uryaz iǧa nican, ḏ amqeddes. Iḥemma-ṯ Hirudus, iteƹjib-as xmi itḥeddaṯ walakin itɣima istƹejjib ḏayes aṭṭas.

Luqa 19:3

Irezzu aḏ issen Ƹisa min iƹna walakin war izemmar aṯ iẓer ƹlaḥeqqac ḏinni aṭṭas n ȓɣaci u netta ḏ aquḍaḍ.

Luqa 23:8

Wami iẓra Hirudus Ƹisa ifareḥ aṭṭas. Tuɣa ixes aṯ iẓer aṭṭas zeg wami. Wami xas isȓa itmenna aḏ igg Ƹisa can lmuƹjiza zzaṯes.

Ȓexḏayem 16:31

Nnan-as: "Amen zi Siḏiṯneɣ Ƹisa aḏ tnejmeḏ cek ḏ ȓeḥbab nnec."

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 24:25

Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

Ȓexḏayem 26:22

Walakin Arebbi iƹawen-ayi-d zi qbeȓ ḥetta nhara. Ammu aqayi nec ḏanita beddeɣ, tbeccareɣ s umezyan ḏ umeqqran. Qqareɣ ɣir ṯimesȓayin nni iy nnan lʼanbiya ḏ Musa labud aḏ weqƹent.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 3:2

Akenniw sseqsiɣ x yijjen n ṯmesȓayṯ waha. Ma ihwa-d xawem Arruḥ iqeddsen wami ṯṭaƹem i Ccariƹa n Musa? Lla, ihwa-d wami ṯesȓim i Lʼinjil ṯumnem zzayes.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.

Lwaḥi 14:12

Ḏi lḥala nni itxeṣṣa-yasen i ȓmuminin ṣṣaliḥin aḏ ṣbaren aḏ ggen array s ȓuṣiyaṯ n Arebbi aḏ amnen zi Ƹisa.